楚撚記大排檔 (寶光大廈)

营业中

休息中

好友相聚🤜，今次就去到土瓜湾楚撚记。土瓜湾嘅楚撚记系特别多人，日日都好多人排队🕘，而且条队仲好长。佢真系好适合一大班人叫𩠌食饭，饮吓啤酒🍻。而且佢出名好多𩠌都好有特色，好值得特登嚟食🍽️！拔丝焦糖香烧脆腩仔😻系我每一次食楚撚记都会叫嘅𩠌，喺又肥又香嘅烧腩仔外面为咗一圈麦芽糖😽，将麦芽糖夹住烧腩仔再点少少芥末食，呢道𩠌味道真系好特别！凤尾虾多士🦐又系一个好精致嘅菜唔系周围有得食！炸得好香脆而且又有鲜虾味真系好好食。金沙蛋黄九肚鱼🐟有咸香味而且炸到好松脆，真系非常之邪恶，但系送饭同送啤酒都一流。无论系椒盐九肚鱼定系呢一味金沙蛋黄九肚鱼，都系香港嘅特别整法，好有香港大排档特色！虽然三个人食，但系都唔够喉，仲叫咗个蚬介鲮鱼球！蚬介酱系呢一道𩠌嘅灵魂，又咸咸地咁而且好有鲜味，配埋有鲜鱼味炸到好酥脆嘅鲮鱼球，真系好好食嘅港式美食！最后当然要同大家介绍楚撚记嘅招牌猪油捞饭🍚！邪恶程度爆灯，唔需要同大家多讲。快啲去排队攞枱试下啦！