影片
更多
2020-10-20
55 浏览
我时不时都会行过去长沙湾元州邨𠮶边食晏，有日中午见到有间烧味舖「烧味卤师」好多人排队，原来系有$22特价饭盒卖。我又八卦攞张传单返屋企望下，阿妈见到$48只鸡话超抵，仲话揾晚唔煮𩠌等我斩料返去🙈。呢晚放工我就即刻变身做乖囡去斩料加𩠌，我已经专登准时走行过去。大约晚上六点半嘅时候，我未行到去舖位已经见到大排长龙👏；好彩我快一步同冇俾个师奶打尖，如果唔系我都买唔到特价鸡。我好耐冇见过咁多人排队嘅场景，皆因烧味舖新开张，做紧好多特价优惠益街坊👍。当我俾钱买完飞之后无耐，已经陆续听到鸡同鸭都卖晒。虽然人多，但小店运作好有系统，客人轮转得好快，店员同师傅们都好有礼貌，唔会粗声粗气😊。舖面亦光光猛猛，令人放心。我哋今晚食烧味大餐🥢，无煮其他𩠌，我一次过买咗四种返屋企。未食之前第一样抵赞嘅地方就系包装得好好，我拎到返屋企一滴汁都冇跌过出嚟，唔会搞到油笠笠。由于做紧特价，四款烧味夹埋都只系$267😍。玫瑰豉油鸡($48/一只)，买完之后我终于明点解🐓鸡会最快卖晒，$48大大只，唔系畀啲营养不良嘅鸡仔你，真系唔知喺边度揾？！鸡有三款，包括客家盐焗鸡、瑶柱贵妃鸡、同埋我买嘅玫瑰豉油鸡。豉油鸡入味，唔驶点酱
我时不时都会行过去长沙湾元州邨𠮶边食晏，有日中午见到有间烧味舖「烧味卤师」好多人排队，原来系有$22特价饭盒卖。我又八卦攞张传单返屋企望下，阿妈见到$48只鸡话超抵，仲话揾晚唔煮𩠌等我斩料返去🙈。
呢晚放工我就即刻变身做乖囡去斩料加𩠌，我已经专登准时走行过去。大约晚上六点半嘅时候，我未行到去舖位已经见到大排长龙👏；好彩我快一步同冇俾个师奶打尖，如果唔系我都买唔到特价鸡。
我好耐冇见过咁多人排队嘅场景，皆因烧味舖新开张，做紧好多特价优惠益街坊👍。当我俾钱买完飞之后无耐，已经陆续听到鸡同鸭都卖晒。
虽然人多，但小店运作好有系统，客人轮转得好快，店员同师傅们都好有礼貌，唔会粗声粗气😊。舖面亦光光猛猛，令人放心。
我哋今晚食烧味大餐🥢，无煮其他𩠌，我一次过买咗四种返屋企。未食之前第一样抵赞嘅地方就系包装得好好，我拎到返屋企一滴汁都冇跌过出嚟，唔会搞到油笠笠。
由于做紧特价，四款烧味夹埋都只系$267😍。
玫瑰豉油鸡
$48
6 浏览
0 赞好
0 留言
烧味佬叉烧
$45
10 浏览
0 赞好
0 留言
至尊烧鹅
$110
7 浏览
0 赞好
0 留言
老师傅烧腩仔
$64
12 浏览
0 赞好
0 留言
总括嚟讲，烧味卤师嘅烧味好好食，用「平、靓、正」嚟形容呢度就最好不过！呀妈已经落定Order随时指派我放工斩咗料先好返屋企🤣。原只鸡性价比最高，我钟意叉烧，呀爸呀妈就钟意烧鹅，各有各喜好❤️。
张贴
