影片
更多
2021-04-18
1612 浏览
呢间新派日本餐厅主打寿司、荞麦面及日本酒，食材大多系日本直送，菜式仲加入咗不少创意元素，做到传统及新派口味兼备👍🏻最近试咗佢哋新推出嘅十道菜晚市套餐（$1,480），真系好有惊喜🤩🇯🇵鲷鱼酒盗最中饼将鲷鱼内脏腌渍半年，配以紫苏叶、cream cheese及日本常用作甜食嘅最中饼皮，不但口感香脆，味道出奇地夹之余仲带咸鲜味😋非常适合佐酒👍🏻🇯🇵刺身～贝岩手县米崎蚝系时令生蚝，size都几大只，肉质鲜甜爽脆又带点creamy🤤食一只真系唔多够喉😆🇯🇵刺身～鱼🐟九州真鲷：加入乌鱼子，口感相对提升🐟千叶县金目鲷：蘸过加入紫苏花花瓣豉油，食落有独特香味🐟福冈䲠鱼：配青瓜及姜丝一齐食够清新三款刺身都偏清淡爽身，有淡淡甘甜味，重点系非常新鲜👍🏻🇯🇵鲍鱼茶渍饭配香海苔饭系加入樱花虾煮成，并以茶味香浓嘅静冈抹茶粉打成泡泡置于饭面！食前加入鲜鲍片、海苔及芝麻，再淋上鲍鱼海鲜汤汁，味道清香鲜甜，渗着淡淡绿茶味，鲜鲍片又嫩又爽口😋另配阵阵柚子香嘅自家制腌渍白萝卜，整体好味又有特色，卖相亦精致😍🇯🇵时令寿司 四贯🍣爱知县象拔蚌：食落爽口又鲜甜🍣爱媛县蜜柑鲭鱼：听闻以蜜柑饲料饲养嘅鲭鱼会有蜜柑味🤔但食落唔太觉，反
最近试咗佢哋新推出嘅十道菜晚市套餐（$1,480），真系好有惊喜🤩
🇯🇵鲷鱼酒盗最中饼
将鲷鱼内脏腌渍半年，配以紫苏叶、cream cheese及日本常用作甜食嘅最中饼皮，不但口感香脆，味道出奇地夹之余仲带咸鲜味😋非常适合佐酒👍🏻
🇯🇵刺身～贝
岩手县米崎蚝系时令生蚝，size都几大只，肉质鲜甜爽脆又带点creamy🤤食一只真系唔多够喉😆
🇯🇵刺身～鱼
🐟九州真鲷：加入乌鱼子，口感相对提升
🐟千叶县金目鲷：蘸过加入紫苏花花瓣豉油，食落有独特香味
🐟福冈䲠鱼：配青瓜及姜丝一齐食够清新
三款刺身都偏清淡爽身，有淡淡甘甜味，重点系非常新鲜👍🏻
🇯🇵鲍鱼茶渍饭配香海苔
饭系加入樱花虾煮成，并以茶味香浓嘅静冈抹茶粉打成泡泡置于饭面！食前加入鲜鲍片、海苔及芝麻，再淋上鲍鱼海鲜汤汁，味道清香鲜甜，渗着淡淡绿茶味，鲜鲍片又嫩又爽口😋另配阵阵柚子香嘅自家制腌渍白萝卜，整体好味又有特色，卖相亦精致😍
🇯🇵时令寿司 四贯
🍣爱知县象拔蚌：食落爽口又鲜甜
🍣爱媛县蜜柑鲭鱼：听闻以蜜柑饲料饲养嘅鲭鱼会有蜜柑味🤔但食落唔太觉，反而鲭鱼独特嘅腥味就无乜👍🏻
🍣右口鱼边：油份较多，用蒜头汁腌过后香气更甚
🍣天然吞拿鱼腩：中拖罗经熟成2星期后，味道更香浓之余仲入口即溶，正👍🏻
🇯🇵究极海胆
见到呢款手卷简直系心心眼😍海胆成排咁铺系饭面，多得夸张🤩当鲜甜回甘嘅海胆充斥住整个口腔时，满足感真系难以形容☺️
🇯🇵豪快～和牛粒
和牛粒油脂均匀，肉嫩味浓，配自家风干嘅广岛蚝干、cream cheese、最中饼及山椒汁，估唔到味道又几夹😋特别系广岛蚝干，蚝味特别浓郁又香脆，无谂过蚝有呢种食法，够晒独特👍🏻
🇯🇵藏味噌渍龙虾配龙虾蛋黄酱
龙虾厚肉弹牙，以味噌腌制过，基本上唔洗蘸任何酱汁已够味，但钟意浓味嘅亦可蘸以味噌、龙虾虾膏及蛋黄酱调配嘅酱汁！另配自家风干嘅菠萝、紫苏叶及水耕菜，以清新沙律菜调和味噌嘅浓味，整体唔错😋
🇯🇵十割荞麦面～冷
呢度嘅荞麦面以100%荞麦粉制成，有别于一般荞麦面搀杂其他食材，所以口感特别烟韧弹牙😋而荞麦面汁系以虾仔、鱼仔及蟹仔调制，可加入wasabi、葱及青柠汁一齐食，除咗食到鲜味之余仲有少少辣，口感几清爽，必食👍🏻
🇯🇵是日甘味
甜品系以有气清酒、蝶豆花及柠檬汁制成嘅寒天，酒味唔浓且香，口感Q弹，味道清新带微酸，渐层颜色卖相好靓，打卡一流❤️
餐厅服务好好，店员都好友善，大厨除咗会为每道菜式作介绍外，又会主动收集客人意见，感受到佢哋对食材嘅讲究及重视客人评价，呢餐真系好满意🥰值得推荐👍🏻
张贴
