十侍 - 棉花糖A5和牛壽喜燒專門店

营业中

休息中

寿喜烧二人套餐$898 套餐主推食鹿儿岛A5黑毛和牛西冷肉眼。和牛真心正！！和牛嘅雪花纹理油脂好均匀，只系简单嘅用热嘅汤汁涮一涮就已经入口即溶，肉汁饱满。和牛肉质都好柔嫩，餐厅会好细心咁问左食客钟意几成熟先，然后今次食左三成熟，和牛好肥美口感嫩滑。平时其他寿喜烧餐厅推介蛋咁食去令到口感嫩滑，但系依只和牛唔洗加蛋就已经好鲜嫩！寿喜烧嘅自家制汤底都好出色，完全唔会死咸，有埋棉花糖系汤底到，甜甜地咁非常能够提升和牛嘅风味。餐厅推荐和牛加埋京葱一齐食，微微烹煮过嘅京葱冇左辛辣味，留返嘅系葱嘅香味。和牛加埋京葱口感更加丰富，和牛味道更有层次。