留民料理

营业中

休息中

放假前夕，同阿妈食日本菜。行置乐行咗咁耐，先发觉转角位有呢间隐世居酒居，相逢恨晚。蟹籽温泉蛋作为前菜，清一清味蕾先。有白生啤，当然要点咸咸地嘅送酒菜。点咗生晒尤鱼干，条条都有厚度，有口感。脆皮炸BB乳鸽采用生炸手法，皮脆肉嫩，撕开有肉汁。肉味香浓，外层甜甜地。惹味到阿妈忍唔住问下点煮，当然呢个系商业秘密㊙️小食牛油果芝士多士最有惊喜，有配搭common，但味道系世界级。牛油果加加埋埋有一个，件件都熟成好甜。牛油果上盖满灸烧过嘅芝士，轻易做到拉丝。多士亦好细心咁用牛油烘过先。串烧拼盘有5串，日日唔同，大致有猪、牛、鸡、蔬菜。由于阿妈唔食牛，所以事先同店员沟通，食其他代替。个人最钟意猪肉，够甘香。阿妈对鸡肉肠同鸡肉赞口不停，鸡肉爽口。串烧旁配咗粉红岩盐同七味粉，呢点都细心。主食系烧鳗鱼烩饭，中西fusion效果唔错。饭底用三色椒、茄子先爆香，再用鳗鱼汁烩，味道香浓。最重要系有两条肥美鳗鱼串，好丰富。整体食物有惊喜，性价比高，最重要系睇得出店主好用心，大推。