九份飽 (黃埔新邨佳富樓)

营业中

休息中

想当年得一间九份饱，我系有专程去过炮台山食呢间人气台式餐厅，宜家已经开到港九新界都有分店。我不时行过公司附近的黄埔店都见到有人轮侯，餐厅唔算好大，座位有少少迫，但店内外布置都几有台湾特色，加上店内播著国语金曲，每次食都可以一解思乡情。① 香酥鸡扒鲁肉饭 $55鲁肉饭是店家招牌，半肥瘦鲁肉食落唔觉油腻，个汁拌饭一流！香酥鸡扒外脆内软，炸粉唔会太厚，鸡肉唔会太干，几香口。② 番茄牛肉面 $60番茄汤底香浓，微酸清甜几开胃。牛肉有好多片，不过呢碗牛肉一半腍一半有咬口。③ 薯饼起司蛋饼 $35蛋饼加起司是绝配组合，加埋薯饼口感更丰富，更邪恶！④ 酥炸鱿鱼 $48呢个出色，一定要趁热食！平时食小食会叫盐酥鸡之类，今次食呢个酥炸鱿鱼，外层炸得香口酥脆，内里弹牙，好好味！大推！⑤ 凤梨荔枝 $20⑥ 百香果多多芦荟 $25跟主食可以以$10优惠价加配部份饮品，不过有部份饮品就需以原价，我杯凤梨荔枝有得半价几抵饮，味道亦唔错。