Cuisine Culture

营业中

休息中

唔讲唔知原来LKF都有间主打传统法国菜嘅楼上私房菜，菜式多样化，连红白酒都有好多选择，装修行简洁风，座落都几舒适，令人感觉轻松，价钱合理，适合拍拖👫前菜有Lobster Bisque，汤头香浓，鲜甜味突出，搭配脆身嘅面包系绝配。Fig & Walnuts Salad份量比想像中多，新鲜沙律菜搭配无花果、调过味嘅合桃同大大粒甜番茄，十分开胃。食法国菜又点少得Duck Confit呀，鸭腿煮至入味，油香气满满，肉质嫩滑唔干，丝丝口感，配上用鸭油煎嘅薯仔同少量沙律菜，性价比高，果然系招牌菜，一点要点！Spaghetti有惊喜，以柠檬汁同橄榄油调味，淡淡香气，唔油腻，面条软硬度适中，上面仲有大大粒又鲜甜嘅带子，呢个size出面好少见。最后以Apple Pie作结，外层十分酥皮，上面有原片苹果，配上雪糕，冰火交替，满足嘅一餐。