夢の丼 (已結業)

一埋位已經有沙律、味噌湯～ 等野食期間都可以食住啲野先。味噌湯都幾好飲😀夢之丼🤤店舖招牌丼飯，色香味俱全！刺身全部好新鮮，0雪味👏🏻👏🏻佢仲配有一個酸汁，可以自由選擇落唔落😝 啲飯本身都有甜味！花錦魚生丼有各式各樣嘅魚生，中間仲有隻生蛋～刺身都新鮮！蟹膏豆腐、磯燒帆立貝 擺盤超級靚😍 豆腐嘅蟹膏好足，非常濃味🤤！帆立貝亦都煎得好香，亦都唔會過熟。師傅係有啲功架！🥳左口魚邊壽司🍣超級好食，入口即熔，好高質！法國蠔 🦪🦪正正常常，冇腥味～鮫鰈薄切 切片再卷成4卷，裏面包住少少蟹子同埋中華沙律，都幾好食🤤對呢餐飯好滿意，每樣野食都好好食，尤其係左口魚邊壽司，大推！🤓🤓