影片
更多
2007-06-19
13 浏览
庆祝父亲节@又系荃湾海港6月16日星期六，为了庆祝父亲节，又再一次来到荃湾的海港烧鹅海鲜酒家，由于早几日订了位，所以18:30便要到达，好彩有订位，因为1900前已经全场爆满呢！因为套餐又贵又唔抵食，加上我地只有8大2BB，所以都系散叫，但由于6月17日便系父亲节，所以全场菜式都比平时的星期六日贵10-30不等，而质素亦差了，所以都系个句，唔好大时大节才出街食~$68一斤的白灼虾：虾贵了平时星期六日的$10($58)，份量虽然一样，不过明显有不少的虾系"梅"左，又细只左好多，唔爽口，今次唔抵食！翠塘豆腐：有一点点的惊喜！嫩滑的豆腐+蛋白做底，加上鲜虾、带子等等，用来捞饭一流(约$60)半只烧鹅：出奇地没有"加价"，仍然系$90，不过又系个句，明显细只左，皮唔够脆，唔好祈望甘高~瑶柱扒时蔬(约$60)，菜很少，$60有点点贵~不过用来捞饭食好正呢！西兰花枝片$78，又系比之前贵，不过好惹味！古法蒜香骨$60，约10件，件件都好大，热辣辣好正！不过有DD干身，肉汁唔够多~山珍菌炒驼鸟柳$58，好多驼鸟肉，菌炒得好香，值得一食！$238的2斤大青班，之前系218两斤半，依家贵上加贵！爸爸仲话
6月16日星期六，为了庆祝父亲节，又再一次来到荃湾的海港烧鹅海鲜酒家，由于早几日订了位，所以18:30便要到达，好彩有订位，因为1900前已经全场爆满呢！
因为套餐又贵又唔抵食，加上我地只有8大2BB，所以都系散叫，但由于6月17日便系父亲节，所以全场菜式都比平时的星期六日贵10-30不等，而质素亦差了，所以都系个句，唔好大时大节才出街食~
$68一斤的白灼虾：虾贵了平时星期六日的$10($58)，份量虽然一样，不过明显有不少的虾系"梅"左，又细只左好多，唔爽口，今次唔抵食！
翠塘豆腐：有一点点的惊喜！嫩滑的豆腐+蛋白做底，加上鲜虾、带子等等，用来捞饭一流(约$60)
半只烧鹅：出奇地没有"加价"，仍然系$90，不过又系个句，明显细只左，皮唔够脆，唔好祈望甘高~
瑶柱扒时蔬(约$60)，菜很少，$60有点点贵~不过用来捞饭食好正呢！
西兰花枝片$78，又系比之前贵，不过好惹味！
古法蒜香骨$60，约10件，件件都好大，热辣辣好正！不过有DD干身，肉汁唔够多~
山珍菌炒驼鸟柳$58，好多驼鸟肉，菌炒得好香，值得一食！
$238的2斤大青班，之前系218两斤半，依家贵上加贵！爸爸仲话唔新鲜(睇只眼)，鱼亦熟得滞，好鞋！
最尾系最劲、最抵食的"巨型大寿包"，$60一打，只只都有5寸大，成个大人手掌甘大！有奶黄、莲溶2种！
最衰奶黄唔系流沙，好果唔系仲正！
话梅粉+西瓜拼盘
张贴
