鮮芋仙 (創紀之城五期(apm))

营业中

休息中

作为芋圆控嘅我，行街见到鲜芋仙，当然要买番杯！ 估唔到未到4点，餐厅已经坐满好多客人，外面亦都不乏客人等紧外卖。  有选择困难症嘅我，真系唔知拣边样好，样样都好吸引，所以最后朋友推介我饮大满贯鲜奶茶，哇估唔到咁大杯，而且半杯都系料，果然「有料到」。 首先系珍珠奶茶底，然后配料有仙草、芋圆、芋薯圆、白玉汤圆，粉粿、粉条。每一啖都饮到啲料，烟烟韧韧，餐厅仲好贴心地提供咗长叉，俾你可以食到大旧啲嘅材料。个人最中意芋薯圆同白玉汤圆，芋薯圆入面仲包住蕃薯，好有口感。饮完已经好饱，真系唔洗食晚饭。 朋友话佢最近热气，所以佢叫咗仙草甘茶，系冇仙草嘅，睇落好似凉茶咁，不过虽然净系叫咗半糖，但系一啲都唔苦，真系有种清凉驱燥嘅感觉。