熨烤達人 (已結業)

之前系旺角见过呢间餐厅，觉得个“熨斗”好搞笑，但因为时间不合而一直无缘试。今日甘岩黎呢个商场睇熊本熊展，见到，就试下！听讲呢度新开，所以场内设施，菜单都好新净。店内墙上挂满左漫画公仔，色彩鲜艳，好有时尚感。门口人头涌涌，不过排左一阵就入得！前菜有好多款，上面果排系“叶”左既蔬菜，下面果排系芝士、泡菜同粟米，放落炉边蛋既！已经落落蛋浆啦！！烧肉都需要时间，所以我地先叫左个江南ufo薄饼食住先！个饼皮好薄，入面系大量既芝士同肉末，好厚，辣喇喇，超好味！！烧物方面，我地嗌左以下几款：鸡翼，份量唔多，开左边，加埋有四全只到。预先“叶”左，所以好入味，唔洗点酱汁。加上剪开左，所以好快熟，入面肉质好嫩滑。肩胛肉厚切，烧起肉都好林，唔肥，啖啖肉。点埋佢个酱好夹，好好食！绿田园估唔到有秋葵！超钟意食！仲有烧菠萝，烧完更甜！好大杯，我地两个人饮一杯都好够！平时饮既都无水果，佢呢杯入面有几粒士多啤梨，几甜！可惜呢度唔近我屋企，如果唔系会成日黎！