御膳

营业中

休息中

今年终于可以一家人出去食团年饭，谂都唔驶谂提早半个月订枱，虽然年廿九，但八点呢－轮依然满座就知道呢间隐世私房菜有料到。店家提早五日what’s app沟通好菜单，人齐马上起菜，每碟份量相当多，味道刚刚好唔会话太浓，特别系碗花胶响螺汤非常清甜，每人分到两碗（挂住饮冇影相），花雕蛋白蒸肉蟹，肉蟹啖啖肉，蛋白有酒香非常好𩠌饭，玉树临风鸡摆碟有心思，鸡味浓而肉嫩滑，平时唔多食鸡都吃咗两件，东星斑两斤，火候控制得刚刚好，食到干干净净，基本上每一道菜都好味到食晒，唯一可以弹系上汤浸菜仔，话菜仔其实每条都粗大，可能赶上菜而浸得唔够淋，所以食剩小小。8个人食咗10道菜，仲有碟超大份御膳炒饭（无影相）加三个白饭，真系好跨张，对于食环境的这里一定非你首选，但想食好味而抵食的，呢度一定唔会令人失望。