新麻蒲 BBQ (波斯富街) (已結業)

本人大爱炉边蛋，好多时选择韩烧餐厅都匆住炉边蛋而去，今日就黎位于波斯富街既新麻浦。接待我地既系2个位好有礼既韩国人店员，男店员广东话讲得好好，女店员英文亦不错。佢地既炉边蛋同样系会加埋泡菜，泡菜份量刚刚好，唔会盖过蛋香，再refill既时候就只有蛋浆，可以食到蛋既原味男友出哂名系牛魔王，牛肉绝对唔少得，就叫左牛肉套餐🐂包括有特级霜降牛肉、秘制牛肋骨、LA牛肋条、杂锦拼盘同部队锅。霜降牛肉系我地心目中既NO.1，油脂分布平均，入口后慢慢渗出油脂，由于冇腌制过既关系味道较淡，可以点佢地提供既酱汁，而我就觉得咩都唔点最好食👍🏻秘制牛肋骨相比起霜降牛肉多筋，但都只系好少，整体口感都几好，腌料味道独特，烧完带有小小焦香。LA牛肋条同样都系腌制过，味道偏甜，配埋生菜包住食最好。套餐仲有2只大虾，虽然见唔到虾膏，但食落就有阵阵虾膏味，虾肉爽口弹牙👍🏻枱上仲有另一个炉比我地煮部队锅，里面有大约半个辛辣面、牛餐肉、年糕、金菇、泡菜等等，好开胃。食物好快就上齐既关系，手同口都好忙🤣🤣