影片
更多
2020-03-20
1276 浏览
好耐无同朋友聚聚，又好耐都无乜点出远门食嘢，所以约咗系尖沙咀食个晚饭。呢间餐厅可以话系巧合地遇上，本身想系厚福街一带揾揾，见到门外有一条小人龙，于是好奇睇睇餐牌，乍看之下「和牛汉堡扒」，而且价钱平民，食得起！瞬速加入人龙等位。虽然唔好见铺头细细，其实位置都几多，等咗一阵一批客人埋单就好快入座。系门口等候期间已决定好分别柯打：芝士蛋蒜和牛汉堡扒、墨西哥辣椒和牛汉堡扒、金橘柠檬特饮及雀柠。最先上嘅其实系芝麻椰菜丝、面豉汤加白饭，仲有泡菜同酱油调味料。对我而言，跟餐有齐沙律、饭、汤，真系十分齐备，已经预感到会非常饱腹。话口未完，最令人期待嘅和牛汉堡扒随即赶上，呢种石烧同之前食过嘅有啲唔同，全靠一块烧热好嘅石去煎熟碎牛。至于细份和牛份量都分开煎咗好多次，感觉食极都仲有；再加上又要落手落脚，所以个人觉得都既抵食又几好玩。当然最重要系能够控制番汉堡扒嘅生熟程度、尺寸厚度等等，岩哂食得嫌尖嘅我！先讲蒜味芝士和牛汉堡扒，其实和牛味好浓郁，我估假如纯原味应该都会非常唔错；至于加入芝士同蒜片，食落野味一啲。另外亦试过夹住泡菜食，又系另一种滋味，爽脆泡菜嘅辣都几开胃，重点铺内泡菜几好食。而蛋方面，我比较分开
虽然唔好见铺头细细，其实位置都几多，等咗一阵一批客人埋单就好快入座。系门口等候期间已决定好分别柯打：芝士蛋蒜和牛汉堡扒、墨西哥辣椒和牛汉堡扒、金橘柠檬特饮及雀柠。
最先上嘅其实系芝麻椰菜丝、面豉汤加白饭，仲有泡菜同酱油调味料。对我而言，跟餐有齐沙律、饭、汤，真系十分齐备，已经预感到会非常饱腹。
话口未完，最令人期待嘅和牛汉堡扒随即赶上，呢种石烧同之前食过嘅有啲唔同，全靠一块烧热好嘅石去煎熟碎牛。至于细份和牛份量都分开煎咗好多次，感觉食极都仲有；再加上又要落手落脚，所以个人觉得都既抵食又几好玩。当然最重要系能够控制番汉堡扒嘅生熟程度、尺寸厚度等等，岩哂食得嫌尖嘅我！
先讲蒜味芝士和牛汉堡扒，其实和牛味好浓郁，我估假如纯原味应该都会非常唔错；至于加入芝士同蒜片，食落野味一啲。另外亦试过夹住泡菜食，又系另一种滋味，爽脆泡菜嘅辣都几开胃，重点铺内泡菜几好食。而蛋方面，我比较分开地送饭，没有太大感觉。但整体我觉得丰富，而且和牛碎肉后，都系咁好食，呢个价钱实在系平民，值得。
我其实亦有小试朋友嘅墨西哥风和牛汉堡，本来以为会太辣，但实物又感觉正常好多，应该是上层加了一少许酸瓜，肉里有些微嘅辣味，我唔太食得辣，但可以应付得到。整体味道呢，我形容有少少似Pizza至尊批嘅味道，和牛嘅味道有少少被盖过。浓味但微辣，送饭都一流。所以两款各有千秋，因喜好可以决定点拣。
饮品方面，选择唔算太多。但特饮味道正常，而且份量算大杯，所以食得太溜，叫一杯清清地中和一下，都还可。罐装饮品唔算海鲜价，亦可选。
离开个阵，问了朋友整体感想，睇住门口人龙又比刚才长一啲，其实都能够理解。二人都觉得今晚呢餐都颇满足，难得有间店可以最后干干净净食哂所有嘢。虽然叫咗细份，其实又可以食到好饱！两人一齐食两百几蚊埋单，比起食放题更好味更有意思，尖沙咀又多咗一个食饭选择。
张贴
