天丼

营业中

休息中

平时去屯市，多数系食寿司郎或者拉面，上星期无意中发现有天丼天妇罗，上次因为落场时间，所以冇缘食。今日终于有机会食喇。11点半去到，岩岩开门，唔驶等位，即刻可以入座。餐牌大约有8款天丼选择，另外仲有几款定食。我地一心想食天丼，所以毫不犹豫拣左巨星天丼。有虎虾，帆立贝，紫菜，菇，鱿鱼，蟹柳各一，仲有两条四季豆。店内已张贴告示，天妇罗即叫即炸，所以需要等15-20分钟。落左单后计，真系刚刚等左20分钟就到。卖相丰富，初初以为饭会比较少，但食完都好够饱。不过汁略为少，枱上有天妇罗汁，可以自己添加。各款炸物都好新鲜，特别系虎虾，口感爽口弹牙，炸浆岩岩好，唔会好厚，完全食到虎虾鲜味。鱿鱼就比较逊色，太淋，冇乜特别。如果想食平价天妇罗丼饭，呢间值得推介，$100唔驶就可以食到天妇罗。