影片
更多
2019-06-30
55 浏览
今日屋企人话想去食扒，噉当然要揾一间靓仔嘅餐厅孝敬一下啦，喺我张wish list入边其中一间就系位于元朗区嘅西餐厅，虽然偏僻左些少，但系为咗揾食嘅我哋就点都会去嘅。星期日嘅下午嚟到呢间餐厅，都几多人嚟嘎喔。由于屋企人想锯扒，所以今次我哋拣咗两个扒餐。同时间因为餐厅话西冷卖晒，所以就加十蚊转咗做肉眼牛扒。餐汤系周打鱼汤。汤入边都有啲萝卜丝同埋鱼丝，饮落嘅口感相对杰些少。猪肉眼扒配烧菠萝杂菜沙律。猪扒相当厚肉，肉汁丰富鲜嫩，质素相当之唔错，睇得出块猪扒嘅来货都唔错。烧菠萝就有种烟熏味，暖暖地，食落开胃。旁边嘅沙律就捞咗啲芝麻酱，亦都系我杯茶啦。肉眼扒配黑松露薯条及沙律。大家见到图片，牛扒相当之大件，我哋叫咗七成熟，火候控制得唔错，切出嚟都仲系红红地色冇血水嘅。牛扒咬落去亦都有肉汁，而且先得㶶㶶地十分惹味，部分位置嘅牛扒更加系非常之淋身，入口即溶。薯条更加落咗啲黑松露落去，味道都几出，非常唔错。泰式奶茶。呢杯系加钱嘅特饮，亦都有好大嚿cream喺奶茶上面。饮落去系糖味较重偏甜。是日蛋糕 Tiramisu今次我哋都加左个是日蛋糕，由于佢哋话系handmade，所以就试下啦。本身我谂住跟餐嘅蛋
今日屋企人话想去食扒，噉当然要揾一间靓仔嘅餐厅孝敬一下啦，喺我张wish list入边其中一间就系位于元朗区嘅西餐厅，虽然偏僻左些少，但系为咗揾食嘅我哋就点都会去嘅。
星期日嘅下午嚟到呢间餐厅，都几多人嚟嘎喔。由于屋企人想锯扒，所以今次我哋拣咗两个扒餐。同时间因为餐厅话西冷卖晒，所以就加十蚊转咗做肉眼牛扒。
餐汤系周打鱼汤。汤入边都有啲萝卜丝同埋鱼丝，饮落嘅口感相对杰些少。
猪肉眼扒配烧菠萝杂菜沙律。
猪扒相当厚肉，肉汁丰富鲜嫩，质素相当之唔错，睇得出块猪扒嘅来货都唔错。烧菠萝就有种烟熏味，暖暖地，食落开胃。旁边嘅沙律就捞咗啲芝麻酱，亦都系我杯茶啦。
肉眼扒配黑松露薯条及沙律。
大家见到图片，牛扒相当之大件，我哋叫咗七成熟，火候控制得唔错，切出嚟都仲系红红地色冇血水嘅。牛扒咬落去亦都有肉汁，而且先得㶶㶶地十分惹味，部分位置嘅牛扒更加系非常之淋身，入口即溶。薯条更加落咗啲黑松露落去，味道都几出，非常唔错。
泰式奶茶。
呢杯系加钱嘅特饮，亦都有好大嚿cream喺奶茶上面。饮落去系糖味较重偏甜。
是日蛋糕 Tiramisu
今次我哋都加左个是日蛋糕，由于佢哋话系handmade，所以就试下啦。本身我谂住跟餐嘅蛋糕都系细细件。点知一上台嘅时候真系有惊喜。蛋糕嘅分量非常之大，足够两个人share。Tiramisu海绵蛋糕嘅分量很少，反而芝士mousse嘅分量就非常多，我系非常欣赏这种做法嘅。蛋糕伴碟有焦糖酱，红莓酱同忌廉等等，卖相靓仔之余亦都有唔同嘅调味俾大家。十分推荐这件饭后甜品。
张贴
