為食仔海鮮火鍋專門店

营业中

休息中

超级丰富打边炉！天气凉咗咁多，真系好想好想打边炉啊😳所以今日收工即兴约咗几个好姊妹一齐去打今次我哋就拣咗呢间！因为大家都好钟意食蚬，同埋始终旺角够晒就脚！汤底我哋就拣咗【招牌龙虾海鲜锅】配料超级丰富！大大只龙虾，好多肉好鲜甜😋啲蚬好大只，唔会有沙，非常多汁！大家都好钟意食牛，所以今次就食好少少，叫咗两款牛，分别系【和牛肩胛肉】同埋【顶级安格斯肥牛】两种牛嘅牛味都好浓，牛肩胛肉就软熟得嚟，咬到中心位置系有少少爽，而安格斯就系超级软熟嘅肉质，两款都好好食！因为朋友好钟意食蚝，所以我哋都嗌咗一个【新鲜美国涌蚝】，大大只非常饱满！不过我就无试，朋友话好好食！【原只花胶筒】呢款唔错，啱晒女仔食，冬天可以补一补骨胶原！花胶吸收埋汤底嘅汤汁，非常鲜甜！【贵妃蚌】大大只，非常爽口弹牙！【黑松露墨鱼丸】见到有两个手指公，心谂应该都唔错，所以就叫咗！果然好好食，黑松露味好重！整体嚟讲都非常好食😋自己最满意系啲牛肉，同埋个汤底👍🏻真系好足料❣️应该嚟紧冬天再冻少少都会再过嚟食！