影片
2024-10-11
644 浏览
老友生日，梗系要食返餐好嘅，两个大胃王食放题就系最佳选择，近近地来到了「缘聚」。午市食足三个钟，有超多野食，升级仲可以任食生蚝及松叶蟹脚，可以尽情大吃大喝。坐低后梗系第一时间用QR code落单，生蚝、刺身、松叶蟹脚呢d必不可少，生蚝大大只，入口新鲜唔腥；刺身有好多选择，每样都厚切又新鲜，当中最喜欢赤虾及带子，味道好鲜甜，我地都encore咗几round；松叶蟹脚啖啖肉，味道鲜甜无雪味。熟食有天妇罗、串烧、炸物、锅物等等，应有尽有，每样叫少少都尽量食多d唔同野。清酒煮蚬 :传来阵阵清酒香气，蚬肉鲜甜无沙。串烧首推蒲烧鳗鱼串，外皮烧得香脆，肉厚肥美多汁，加上甜甜嘅鳗鱼汁更惹味；烧牛舌软熟，用少少盐及黑椒调味已经好好味。和风海鲜沙律 :有蟹籽及杂锦刺身，加上新鲜沙律菜，感觉份外清新。松叶蟹钳甲罗烧 :蟹香味十足，配上脆脆嘅味淋鱼干，入口布满浓浓嘅蟹膏味。炸3.6牛乳鲜奶卷有惊喜，入口热辣辣，内里牛奶好幼滑，有香浓嘅奶味。食饭又点可以无饮品？饮品选择有好多，汽水、纸包饮品、啤酒都有，想饮热饮或特饮亦可以落单order。最后梗系要食埋甜品，有好多款雪糕雪条自己拣，亦可以order其他甜品，叫咗
午市食足三个钟，有超多野食，升级仲可以任食生蚝及松叶蟹脚，可以尽情大吃大喝。
坐低后梗系第一时间用QR code落单，生蚝、刺身、松叶蟹脚呢d必不可少，生蚝大大只，入口新鲜唔腥；刺身有好多选择，每样都厚切又新鲜，当中最喜欢赤虾及带子，味道好鲜甜，我地都encore咗几round；松叶蟹脚啖啖肉，味道鲜甜无雪味。熟食有天妇罗、串烧、炸物、锅物等等，应有尽有，每样叫少少都尽量食多d唔同野。
清酒煮蚬 :传来阵阵清酒香气，蚬肉鲜甜无沙。
串烧首推蒲烧鳗鱼串，外皮烧得香脆，肉厚肥美多汁，加上甜甜嘅鳗鱼汁更惹味；烧牛舌软熟，用少少盐及黑椒调味已经好好味。
和风海鲜沙律 :有蟹籽及杂锦刺身，加上新鲜沙律菜，感觉份外清新。
松叶蟹钳甲罗烧 :蟹香味十足，配上脆脆嘅味淋鱼干，入口布满浓浓嘅蟹膏味。
炸3.6牛乳鲜奶卷有惊喜，入口热辣辣，内里牛奶好幼滑，有香浓嘅奶味。
食饭又点可以无饮品？饮品选择有好多，汽水、纸包饮品、啤酒都有，想饮热饮或特饮亦可以落单order。
最后梗系要食埋甜品，有好多款雪糕雪条自己拣，亦可以order其他甜品，叫咗呢款吉士红豆鲷鱼烧，卖相好精致，入面有满满嘅红豆，非常满足。
查看之前的留言 ()
张贴
