豊勝手丼 (已搬遷) 新店位置

今日同日本来的朋友喺铜锣湾shopping 日本妹居然话想试吓香港嘅刺身饭🤣所以我就带咗佢哋呢一间小店 因为下午嘅关系 唔使排队实在太好了 店面细细但系都好有日本风情 呢度主打丼饭 话说最近都食咗好多刺身所以今次我就拣咗北海蟹丼 钟意食蟹嘅朋友仔一定要试！当店员将丼饭送到去我面前嘅时候我哋都不敢哗咗一声 卖相仲丰富过Menu张相 大大碗 有啖啖肉松叶蟹脚 蟹籽 蟹膏 蟹肉碎 蟹钳 仲要份量一啲都唔小!!! 所有蟹壳都处理好晒 完全唔需要自己再动手 慢慢享受你面前嘅美食真系一件赏心乐事 味道非常之新鲜 唔会食到有任何雪藏味道 而且仲有少少海水鲜甜味还要值得一赞嘅系佢嘅寿司饭可以无限添加㗎 同大食鬼嚟都唔会怕食唔饱