大澳餅店

营业中

休息中

大澳一向系我嘅bucket list入面，但因我搭唔到长途车而一直冇去到。直至有日发现原来有船搭，先至去番一次，但去到大澳除咗喺阿田阿牧嘅桥度打卡之外，当然要去扫街啦！一到咗之后我就行哂所有景点，包括呢个好鬼远嘅文物酒店，再沿途买野食。但已经见到沙翁小店大排长龙，所以我朋友去排沙翁，而我就再周围买嘢食返条龙度，一路排，一路食。虽然话系饼店，但就只有沙翁、椰挞、糯米糍。 沙翁size大旧，但好容易食得哂。同样都系即叫即炸，所以每次只可炸四/五只。外层香脆可口，金黄色嘅。内里气孔疏散，一咬就扁咗。口感绵密浆口，蛋香甚重，外层裹满沙糖后为本体添加风味而有另一层脆感。个人认为一场黎到大澳，排吓食返次都无坊嘅。