歸田園居

营业中

休息中

🏠归田园居 Espace Elastique 𠮶日放假入咗大澳，周围行，行咗成日，只脚好攰又肚饿就决定揾间餐厅食下饭。 一开OpenRice见到有好多都系中式餐厅， 所以就决定周围再行下睇吓有边间合眼缘就即刻Walk in入去食， 最后就入咗呢一间好似好有田园风格嘅餐厅😜 🍝黑松露蘑菇意粉 $118 一上枱就闻到超重嘅黑松露味😍😍意粉煮得恰到好处， 唔会太硬唔会太淋。份量都好 适当，唔算太多， 亦都唔会少到令你觉得一啖食晒。 味道上，我就会形容系淡淡的黑松露味，配上有啲干嘅本菇加意粉， 但系所有材料都好足料，所以总括来讲系好食嘅！清左碟！ 🍕水牛奶芝士基本薄饼 + 西班牙辣肉肠 $93 呢个Pizza系比起其他Pizza更加薄，老板话系墨西哥饼皮当做pizza皮， 所以佢哋嘅Pizza皮就好似零食咁薄~再加上番茄酱、 帕马森芝士(超级拉丝😍😍)、番茄片，当然 仲有我加嘅西班牙辣肉肠， 一啲都唔会油腻，因为个pizza饼底真系好薄！ 推荐 推荐！ 🍋柠檬特饮 $48 呢个系𠮶日好热，坐低好想饮冻嘢，所以叫嘅一个item，听说系用青柠做底，所以感觉上都几refreshing! 值得一试！