津津有味 (嘉湖新北江商場一期)

营业中

休息中

山长水远去到天水围，唔系唔顺便去试下大热嘅紫薯鸡蛋仔啊嘛~ 该店位于一个很旧的本地商场内，有啲难揾。网上有人话假日要等45-60分钟先买到，所以我已经抱住必死嘅心态，预左系大热天时排队! 去到时见到条龙都唔系好长，冇网上啲人讲得咁夸张。最后等左15分钟，紫薯鸡蛋仔就到手啦。鸡蛋仔外面是紫色的，冇咩薯味，反而好重牛油味，而且饼身偏『淋』，一啲都唔脆。但精髓在于每一粒鸡蛋仔里面都有1-2粒黄心蕃薯，由店员好仔细咁一粒一粒摆入去。先放蕃薯粒，再倒入紫色嘅蛋浆。紫薯鸡蛋仔$18，其他味道就$15，整体价钱偏贵，和味道不太成正比就是了。