聰嫂星級甜品 (已結業)

买咗戏飞未够钟入场，于是行过后面街，探下聪嫂。话明大牌甜品，客人几乎全营业时间段都系客满，好彩今日唔洗点等位。不！过！侍应为咗拼张四人台，攞咗order都要我哋转台，仲要转去厕所门口，有职员或者食客出出入入，d异味难免会飘出来。真系影响晒食欲！例牌必点1: 芒果香甜；双皮奶ok滑，配搭埋口感似沙冰嘅芒果奶昔，甜而不腻，正！例牌必点2: 街知巷闻嘅龙眼冰 😋 清、香、冰爽。唔洗担心椰果会有药水味。龙眼冰夹有龙眼肉。环境挤迫、被安排坐厕所门口，服务差，如果唔系人在港岛又想食lee两款甜品，我真系唔会入来帮衬。