Amour Garden Grill & Bar (已結業)

系一个风和日丽既晚上，我约左几个大学同学试下系市区里面bbq。起初我地都唔系好信系旺角会有室外bbq场。推过餐厅门口，行左一阵，出面就系一个楼上好既大open area。我系第一次系大厦既中空平台食野，感觉呢到好有格调，好有苏豪区既风味。餐厅有传统既烧烤炉，又有美式烤炉提供。由于我地净系得几个人，所以我地就用美式烤炉bbq。呢到提供几丰富既食材，例如牛，鸡，猪扒，鸭胸，鸡翼，猪颈肉，各样丸类，金菇，番薯等...可以任饮汽水。食材睇落去都唔错，好足份量。我地一边烧，一边食，一边系一个好relax既空间讲番以前既野,真系好舒畅。好彩有烧烤达人负责烧俾我地食，所以烧出黎既食物都几好味。最后埋单加埋一先两百头一个人，其实同普通既bbq既收费差唔多，但系胜在呢到有独立既环境，可以同三五知己自成一国，享受系呢个生活急促都市入面既宁静，确实系一个唔错既选择。