斗滾 (適安大廈)

营业中

休息中

其实喺 社交平台已经见过呢间啲相好耐好多次，每次都比个海鲜拼盘震撼到（心谂有无咁夸张呀）~依家终于有机会试到啦！第一式: 招牌大乱斗 (即系鸡煲🐔)，套餐首先会奉上鸡煲，有大中小辣，BB辣或走辣。店员都好贴心地介绍要煮几耐唔使估估下，鸡煲食落少少辣几滋味，鸡肉亦都够嫩滑。鸡煲系任食，但记得唔好系第一步就用晒啲 quota ，要忍口留手 lol第二式: 海鲜盛宴🦐🐟 🐚呢个一上枱系忍唔住哗咗出嚟，劲大堆头嘅蒸海鲜有人头嘅鲍鱼，花蚬，扇贝，龙趸，海虾，同赞岐乌冬…简简单单用蒜茸粉丝蒸已经好满足，个乌冬同粉丝吸晒海鲜嘅精华千祈唔好放过第三式: 养生炖汤，用乌鸡、元肉，元贝，红枣，杞子，瘦肉煲嘅汤清甜唔油腻够晒鲜味，用嚟打边炉感觉都健康啲第四式: 火锅随餐有每人一份手切牛颈脊🐮 但Follow 社交平台 同埋留言比佢哋就可以任食啦！鲜红柔嫩油花丰富，食落肉质够腍又有肉味，正~ （佢哋仲有好多嘅火锅配料可以自助拎，不过牛颈脊当前实在系要食多几碟）最后甜品有椰汁雪燕，滋润养颜嘅 perfect ending价钱唔贵而且无限时，个个都食到捧住个肥腩仔走🐽 真系大满足