鮮芋仙 (荃新天地)

营业中

休息中

同揾食小伙伴捉著期间限定嘅尾巴，食雪山双芋牛奶冰。睇图都睇唔到有几震撼，一上菜就知道share食呢个决定绝对正确。口感大丰盛！！最上有云呢拿雪糕，我反而觉得唔系话好夹，有啲过甜。之后就有牛奶冰，好浓奶味，同坊间食食吓啲冰就冇味完全唔同，加埋最底有少少黑糖糖浆，可惜黑糖味唔系话十分突出。迷你芋圆增加左口感，芋头足足有5大旧，芋头味重，不过口感如果再绵啲会更好。Follow IG仲送莲子，莲子配搭冰食都系一个新尝试，所以令到口感层次再增加。不过炼奶盖过咗本身莲子味，都系另一个可惜位，唔需要用太多奶因为本身莲子有清甜味。适逢黄埔新店开张加一蚊可以有一个鸡蛋布丁呢个绝对系出乎意料之外咁好味，有惊艶嘅味道。一食落去有淡淡鸡蛋味，再加上成个布丁都好滑，私心推荐最佳食法系配埋芋泥。