新廣發 (已結業)

新广发系沙田好出名ge任食边炉大排档，今日约班friend 聚下，大家二话不说咁提议去新广发。个到食物种类非常多，任拎，应有尽有。虽然系平价边炉，但D食物质素都算系咁，同Ｄ普通酒楼基本上差唔多，特别系Ｄ肥牛，肥瘦度适中，同埋我拎个D都几新鲜。另外D芝心丸食落去D芝士真系会爆出黎。不过，食呢间ge一个风险，系有时可能会拎到一Ｄ冇咁新鲜ge食物。但系咁ge食物质素，一百蚊有找，喺宜家ge物价水平黎讲，性价比非常高。可惜，一如一般大排档，间舖ge卫生都系有待改善。地下非常污糟，另外比人拎野食ge碟有好多都好似未洗干净。另外，个到ge 服务亦有待改善。我明白价钱较平，所以都冇期待太良好ge服务。但系，个日叫人加水，个呀姐话得之后最后却冇黎帮我地加。另外，有职员最后叫我地埋单，但Ｄ语气非常刻薄，令人感觉好差。