爆丼丼 (已結業)

日本鱼生饭而家好多地方都有，朋友带我黎呢间爆丼丼食，睇餐牌d丼都非常吸引，而且每一台都有人会叫d丼食，所以我地都叫左一个丼食。餐牌上除左鱼生丼之外，亦都可以拣d熟食嘅丼，几特别，有牛肉鹅肝丼，下次黎一定要试下。叫左个丼之后，每人都有一碗味增汤，味道唔太咸，几好饮。我地就叫左个极上生鱼丼，有2只大赤虾、帆立贝、三文鱼腩、油𫠐鱼同埋海胆。每次食海胆我都好惊好腥同好苦，但呢度无呢个情况，算几新鲜。而其他鱼生都新鲜，加上个丼d饭都几多，几抵食。另外，我地亦都叫左迷你三文鱼帆立贝丼，三文鱼虽然无三文鱼腩咁油份重，但都几鲜。帆立贝都一样咁好鲜甜。我地亦都叫左盐烧牛舌做小食，即叫即烧，送上台非常香，牛舌肉质好juicy好好食。