露面手工拌麵料理

今晚放工来到修顿附近食面，舖面好光猛，睇落好干净。平日晚7点左右直接行入去揾位坐就ok。鲜茄牛腩拌面（$55），牛腩炆得好林，有少少筋，好易入口。腩汁好有诚意，有骨胶原嘅口感。🤣 最紧要系汁够多，够捞碗面。蕃茄都唔少，蔬菜来讲已经好足够了。葱花好多，成碗捞晕来食就啖啖都有野咬了。🤣油泼辣子鲁肉biang biang 面（$55），Biang biang面听落好搞笑，原来系改良版嘅陕西面，仲要系手工做嘅，听落好有诚意。🤣 面身似刀削面个种粗度，咬落烟韧，亦都沾到好多辣酱汁一齐食，值得推荐！我拣左个小辣试一试，佢系麻辣，好香好好食，连唔识食辣野嘅我都入到口。 鲁肉粒都系好林好入口，肥瘦得而，仲有啲菇仔捞左系入面，好丰富的。怕唔够饱，叫多碟小食 芥香麻酱鸡丝粉皮（$42），鸡丝好多，啲肉滑滑的，青瓜丝都算多，粉皮偏粗身，够薄，捞麻酱食一流。👍饮品我就要左杯菠萝青柠蜜（$24）少甜，清清甜甜嘅，适合天口热时饮，入面仲有啲菠萝渣咬下。🤣朋友个杯系滑溜溜香芋鲜奶（$28），口感真系非常滑溜，好香芋头味，而且一啲都无想像中咁济，好快就啜晒落肚。🤣总结：我哋两个人都食得好饱，好满足，会再复桌。