湯戶方

营业中

休息中

里面地方不大。但店员姐姐服务态度好亲切，叫我地随便坐又话帮我地睇住架车。饭既份量适中，如果唔够饱可以食埋糖水。反而汤既份量好大碗，好足料！章鱼蒸肉饼饭 $35章鱼肉饼既猪肉饼蒸得好嫩滑，咬落去有一粒粒嘅章鱼口感。而且好够味。豉汁蒸排骨饭 $35排骨都算多，腌得好入味。啲豉汁捞饭好好食。排骨蒸嘅时间啱啱好，唔会好老。但系肥肉嘅比例好似多啲，如果瘦肉多番少少会更加好食。卤水拼盘卤得好入味嘅。个鸡翼同鸡蛋咬开都食到卤水汁味。个豆腐就比较韧身少少，个人比较钟意食好软既豆腐。云腿菜干鸡爪炖猪肺汤 $69菜干同猪肺味都好浓，反而火腿同鸡脚味唔出。但明显见到一粒粒火腿同鸡脚。花胶螺肉炖鸡汤 $69相对猪肺汤味就比较淡，肉味好似唔系好够。可能要落少少盐。