影片
更多
2021-08-16
2451 浏览
今日一行五人，想食D有大排档风味既小菜，揾左一输，见到食评好似唔错既粤舫老赵，一于黎试下ok唔ok先。坐低感觉环境都唔错，几干净企理，似高级少少既大排档，坐得几舒服。之前睇食评都几多人叫汁烧牛仔肋骨条，好似几吸引，都叫左一个。汁烧牛仔助骨条 $188 原条上，好有风味，烧汁配合得啱啱好，唔会抢左牛仔骨既味道，仲提升左牛既鲜味，肉质亦松软，果然无介绍错菠萝黑毛猪咕噜肉 $98 外脆肉软，酸酸甜甜，几惹味。椒盐鲜鱿 $98呢个就普通左少少，个脆衣粉多左少少，鱿鱼比较韧。麻辣水煮鱼 $168水煮鱼都唔错，有少少麻唔太辣，鱼片就正常，但又唔系好滑𠮶种，不过味道可以既，因为今日有老人家食就觉得啱啱好，如果我自己食就可以再辣D金银蛋时菜 $78 清清地，几好送饭。豉椒炒圣子 $128圣子都好多，几鲜甜爽口，不过细只小小。总括 d嘢大碟又抵食，5个人食咗唔使1千，性价比高
坐低感觉环境都唔错，几干净企理，似高级少少既大排档，坐得几舒服。
之前睇食评都几多人叫汁烧牛仔肋骨条，好似几吸引，都叫左一个。
汁烧牛仔助骨条 $188 原条上，好有风味，烧汁配合得啱啱好，唔会抢左牛仔骨既味道，仲提升左牛既鲜味，肉质亦松软，果然无介绍错
菠萝黑毛猪咕噜肉 $98
外脆肉软，酸酸甜甜，几惹味。
椒盐鲜鱿 $98
呢个就普通左少少，个脆衣粉多左少少，鱿鱼比较韧。
麻辣水煮鱼 $168
水煮鱼都唔错，有少少麻唔太辣，鱼片就正常，但又唔系好滑𠮶种，不过味道可以既，因为今日有老人家食就觉得啱啱好，如果我自己食就可以再辣D
金银蛋时菜 $78 清清地，几好送饭。
豉椒炒圣子 $128
圣子都好多，几鲜甜爽口，不过细只小小。
总括 d嘢大碟又抵食，5个人食咗唔使1千，性价比高
张贴
