三多麵食

营业中

休息中

「三多面食」好多人都话唔错，我就藉此机会特意过嚟试一试。地方唔算好大，人流量7成左右，见好多人都买佢嘅生云吞拎走。今次我就点咗碗$60（云吞牛腩汤粗）-云吞同我平时食开嘅云吞真系有出入，系好大，好大粒云吞！大到只羹都差啲都装唔落。仲要好足料，佢𥚃面足足有8只凤尾虾😱不过大粒就未必一定系好食嘅，因为咁大粒云吞拎去煮，火候好睇厨师嘅技术，煮得快里面唔熟，煮耐啲，外层嘅虾又会老。咁我就试下味道方面先，果然真系煮得过老左，凤尾已经系急冻虾，再煮咁耐，唔单止冇虾味，食落还带輆柴嘅口感，仲要8只柴晒，加上多虾少肉嘅关系，食落口感单一，唔似食紧云吞。味道未去到难食嘅，但就一定唔系推介出品。佢个辣都试过，辣度属香辣，配面食得过瘾，牛腩反而好食过云吞㖞，味道同腍度都刚好。