影片
更多
2022-08-31
28 浏览
餐厅嘅环境走现代中国风，大红灯笼配以深木色系嘅 Partition，坐位极濶，位与位之间空间十足，坐得非常舒适。麻辣 + 酸菜白肉锅双并，落单之后火锅率先送上，麻辣锅拣咗中辣，嗜辣嘅我辣得过瘾；酸菜白肉锅味道正宗，酸菜同埋火锅白肉仲可以免费添加嘅添。Erdinger 500ml，艾丁格小麦黑啤酒用咗耗工费时长达 28 日嘅家传二次发酵工艺，原料上更选用大麦同 50% 以上麦芽含量嘅小麦做搭配，并加入烘培焦香麦芽及特选啤酒花嚟酿造，令独有嘅上层发酵法嚟带出特殊嘅咖啡果香，更加系德国第一个外销全世界嘅小麦啤酒品牌，有佢嚟配衬令晚嘅边炉，正。黄金鱼皮，黄金鱼皮非常香脆，面头舖满恰到好处嘅咸蛋黄，味道啱啱好，唔会好似坊间一般嘅死咸得嚟仲带有少少甜，净食又得，放入去打边炉亦得。即炸三秒响铃半份，响铃蛋味温和，无论同酸菜白肉锅又或者麻辣锅嘅汤底都一样咁夹。花枝丸半份，花枝丸由餐厅每日新鲜手打而成，弹牙非常，从口感都已经感受到佢嘅新鲜。肥美鲜鹅肠半份，新鲜嘅鹅肠唔系度度都有得食，绝对系可遇不可求，肠衣爽脆，内里油脂丰腴，令人回味。手切肥牛(例牌)，手切肥牛牛味非常浓重，我钟意整到佢半生熟，加啲葱蒜椒
餐厅嘅环境走现代中国风，大红灯笼配以深木色系嘅 Partition，坐位极濶，位与位之间空间十足，坐得非常舒适。
麻辣 + 酸菜白肉锅双并，落单之后火锅率先送上，麻辣锅拣咗中辣，嗜辣嘅我辣得过瘾；酸菜白肉锅味道正宗，酸菜同埋火锅白肉仲可以免费添加嘅添。
Erdinger 500ml，艾丁格小麦黑啤酒用咗耗工费时长达 28 日嘅家传二次发酵工艺，原料上更选用大麦同 50% 以上麦芽含量嘅小麦做搭配，并加入烘培焦香麦芽及特选啤酒花嚟酿造，令独有嘅上层发酵法嚟带出特殊嘅咖啡果香，更加系德国第一个外销全世界嘅小麦啤酒品牌，有佢嚟配衬令晚嘅边炉，正。
黄金鱼皮，黄金鱼皮非常香脆，面头舖满恰到好处嘅咸蛋黄，味道啱啱好，唔会好似坊间一般嘅死咸得嚟仲带有少少甜，净食又得，放入去打边炉亦得。
即炸三秒响铃半份，响铃蛋味温和，无论同酸菜白肉锅又或者麻辣锅嘅汤底都一样咁夹。
花枝丸半份，花枝丸由餐厅每日新鲜手打而成，弹牙非常，从口感都已经感受到佢嘅新鲜。
肥美鲜鹅肠半份，新鲜嘅鹅肠唔系度度都有得食，绝对系可遇不可求，肠衣爽脆，内里油脂丰腴，令人回味。
手切肥牛(例牌)，手切肥牛牛味非常浓重，我钟意整到佢半生熟，加啲葱蒜椒，非常滋味。
张贴
