忠誠茶座泰國菜

营业中

休息中

嚟到大美督除咗踩单车或者撑船仔，仲有就系拜访好多local人气嘅餐厅。我哋撑完鸭仔船太攰而呢间喺隔离仲有都好多人入座，于是就尝试下啦😆😆串串饼 （$48）八件胀卜卜串烧嘅外表好得意！成个造型满分，咬入口有淡淡的牛油味而且好松脆，似西式嘅酥皮口感。我觉得都唔使加其他酱料已经足够。泰式连骨猪髀 （$138）成个猪髀好淋，一切落去已经可以好容易分开啲肉，证明火喉充足。而且好入味，猪皮食落都唔会好油腻冇太大罪恶咁。同埋有小上嘅配菜青瓜同埋酸菜，酸菜甜甜地好开胃！泰式古法浸鸡 （$152）半只呢一个我就觉得冇乜特别。。。食落只鸡感觉唔到佢系用古法浸鸡嘅感觉😅而且冇海南鸡咁鲜嫩,亦冇乜鸡味，不过只鸡都好多肉。下次我应该唔会再叫呢款。炒泰式金边粉 （$88）金边粉嘅味道都OK，而且材料都好丰富。个人觉得金边粉好难唔好食。整体来讲，呢间餐厅位置好方便而且环境小chill, 食物都上得好快，对第一次帮衬嘅我来讲我觉得都几好食。