木葉 (已結業)

上次经过观塘见到水牌，已经好吸引138任食猪肋条。所以今次约咗大胃王一齐去试下味道。餐厅入面有一幅绿油油嘅墙配上雅致嘅装修，仲好有圣诞气氛，虽然地方细细，但系感觉好舒服。服务员好细心的详细解释，令我好满意。我哋两个人，可以一个选择任食猪肋条套餐，另外朋友就可以自由选择主菜再加50蚊，一样可以任食猪肋条，佢话有多种食物嘅选择 唔会咁闷，真系用心为客人设想。第一次嚟都惊佢啲嘢唔好食，所以食个饭饱肚啲，就叫咗香草肉碎椰菜包饭配蕃茄酱。想唔到又几好食，椰菜包住香草碎肉炒饭够晒香，再配埋自制蕃茄酱，够惹味够开胃。任食猪肋条套餐配埋薯条同自制蕃茄酱。我觉得薯条唔够脆，但系个番茄酱就好好食， 酸酸甜甜加埋新鲜蕃茄肉同香草，真系特别好味。猪肋条处理得非常好，完全冇雪味，肉质够嫩滑又够淋，但仍然可以保留肉嘅质感。我就钟意佢个BBQ酱，带有少少酸味，食落唔会溜，而且好开胃。套餐仲有前菜虾沙律都好新鲜㗎，而且仲有饮品㖭，所以真系好抵食 。