木葉 (已結業)

環保是地球人的希望， 你對環保的想法是怎樣的。從大時代的大廈， 走進環保的世界。 店內第一樣發現的， 就是使用環保紙製成的餐單。 小小的餐單裏面介紹了不同林林總總的食物， 小小微細的部分也帶領著我們這種新人類，邁向環保的新一頁。點來的裝潢是木紋色為主題，可見得店主對環保嘅熱誠同熱愛，今晚就是從店內的一切，輕輕的偷看店主的內心世界。我倆選了凍話梅柑桔檸檬， 原因是因為今晚的主菜是全條燒豬肋骨，話梅的酸， 柑桔的酸， 與及檸檬的酸，三種不同的酸味， 襯托出豬肋骨的鮮肉香味。環保是世界的大趨勢 世界是我們的 共同珍惜 我們所擁有的。

前幾日放工經過，見有Ribs放題，心諗:咁特別。 我平時食西餐都好鐘意Ribs,但多數同朋友share, 每人最多食1~2條，今次俾我發現，即刻約個朋友一齊去試下。經了解，原來唔一定要2個人都點Ribs，其中一個加50元就可以做到一齊任食，咁之後我地仲可以叫其他小食或者主菜，就唔洗咁獨孤一味。最後我地每人都有食沙律，好既開始，亦都係跟餐既。 小食要了秘製釀雞翼即叫即炸，入面釀得滿滿，令到雞翼看上去漲卜卜咬下去極極極熱辣辣，燙咀那種香酥又脆，非常滋味入面除咗雞肉，還有洋蔥蘿蔔等等好飽滿！ 隔一陣，我們的豬肋排已上台。 有2塊，每塊大概5條，還跟薯條茄汁是鮮製，有茄肉豬肋骨聞上去已經香噴噴 我將一塊放在碟上反轉來切，會比較容易切開。 切開來看，夠厚肉，不是太多肥膏，但咬上去口感鬆軟，醬汁味酸酸甜甜，每口都滿滿肉香。 餐廳也夠細心，有安排即棄手套給食客，吃豬肋骨果然要使用上手吃，才最滋味及方便。我們每人吃完一排之後，也有再encore，可以盡情放任地吃每一條豬肋骨，果然非常幸福。 薯條熱吃時很脆，想不到攤涼了，還是很脆。 我們另外點了個香草魚柳意粉上台時，我覺得這碟意粉造型有點像聖誕鹿。旁邊

觀塘有個地方係有豬肋骨任食的，我知道這個消息之後！朋友都感興趣！最重要的是價錢唔貴，性價比高呀嘛！！而且地方都坐得舒服。唔會迫迫咁！記住訂左位先去~有另外當5%折扣bbq味既豬肋骨，上台熱辣辣架~仲有粗薯條，口感相當唔錯豬肋骨燒到好入味bbq醬汁好緊緻鎖住每片既豬肋骨，肉質juicy~骨與骨之間既嫩肉仲正！味道更加豐富惹味。如果食完一塊唔夠可以再落ordee真心正另外要左份印尼炒飯配沙爹串燒，我要左豬牛雕各一串！ 沙爹汁惹味香口 印尼炒飯炒得剛好唔會油膩，蛋汁流在炒飯咁滋味呢

觀塘返工嘅人一定深深感受到一到午餐時間，每間食店都會迫爆，排長龍今次，去到呢間，見好少人等位，就唸都唔唸入去試下！環境都叫幾舒服，坐得唔會好迫。午飯時間有四/五款套餐選擇。有不同定價，同埋包一杯熱飲！我就叫左個平少少嘅辣脆肥腩飯！上枱賣相其實不錯，份量對我來說都係足夠！豬肉選用左厚厚脂肪嘅豬腩肉，外面炸過，味道偏咸。肉質因炸後某幾舊比較硬。但都有一半肥膏較厚的炸得後香口！如果吃得重口嘅朋友仔應該都會覺得不錯。但相反，就會因為過咸而止步。同事點了楊州炒飯，評價好一般，可以避免一下總評價就一般般，味道還可，如果想免大排長龍就可以選擇試試。

任食ribs機會來了@木葉 觀塘駿業街56號中海日升中心2樓C舖 有追看我文章應該知道我超鍾意食ribs,得知有任食ribs 心中泛起了蓮依. 食肉獸只要付出 $138 平日晚上的價錢，便擁有120分鐘任食時間,時間充裕慢慢食慢慢消化。好多汁在肋骨面,大大條可切開4，5條， 酸酸的可以中和肋骨油膩感，仲伴有粗身炸薯條，成份完整上賣相令人食慾大增。另外點一個飯或意粉，加50蚊就可以一齊享有任食肋骨了，唔會咁單調啦任食以外，更有一個小食及飲品。食得肉多好自然要沙律平衡一下，蝦沙律夠冷好開胃。如果多添加小食都可以任食，及多加數款肉食做任食主菜好似大路的炸雞，整體更吸引。獨沽一味會略單調，也很快吃飽。但以我瘋狂程度，一次食了十來條肋骨回本有餘了。

食肉啦，今晚跟阿哥來觀塘海日升中心食ribs套餐。我地兩個肉迷~要擦餐勁既。前菜有大蝦沙律，粒蝦好爽口，彈彈下。菜又新鮮~夾埋小小沙律醬，唔錯~到主菜啦，真係好大件，兩隻手掌size。一定夠曬食丫！濃郁bbq醬包裹住，肉質很鬆軟,夠曬肉香，完全唔韌。幾好食~ 配菜有薯條，個番茄蘸醬好好食。原粒番茄蓉，小小香草調下味。好夾呢！再來個焗芝士lasagna。厚厚cheese，好正呀！如果你喜歡食芝士一定好愛，用料十足呀！我同阿哥食勁飽。配埋檸檬茶，中和下....真係好飽！

近來的工作地點都在觀塘，除了為人熟悉的apm外，周邊的大廈和商場亦有不少食肆。其中這座中海日升中心在駿業街街市對面，格局有點像石門新開的廣場。之前嘗試過這裡另一家餐廳，覺得舒適企理，食物質素也不錯。是次再來這裡搵食，看見任食豬肋骨的招徠，意念新穎，便被吸引了進去。畢竟香港人喜歡任食，放題和自助餐總是很受歡迎，現時開了更多如任食雞翼、任食素食、任食甜品等等，而任食豬肋骨倒也是頭一次。雖說是任食豬肋骨，餐廳裝潢卻非一貫麻甩感，反而走小清新路線。蒲公英吊燈帶點浪漫情調，摩天輪和城堡的擺設、文青系彩色動物油畫、綠油油的青草藝術牆，這些都是非常配合女生的主題，不說還以為是吃港女下午茶的地方，誰知是要來變成食肉獸大吃大喝呢。 其實這樣也更令女生不會那麼抗拒，也多了份清新感，吃時不會覺得太肥膩。任食豬肋骨每位$138，包括沙律和薯條也是任吃的。原來可以一位要任食豬肋骨，另一位點其他主菜，再加$50分享第一位的任食，便可以有多點款式，不用整晚只吃豬肋骨那麼沉悶。沙律是簡單的青和紫生菜、水菜和車厘茄，還有兩隻爽口的大蝦。配以凱薩沙律醬較稠杰和重芝士味，倒也不錯的吃。之後吃豬肋骨有少許膩，也encore了

觀塘海日昇中心，開咗好多新餐廳。有次食晏見到木葉住食Ribs。都只係$138。今晚放工冇咩做，所以約埋同事一齊去試吓。我地叫咗一份任食Ribs。包括有鮮蝦菜沙律，熱飲。（我揀咗玄米茶）。真係新鮮蝦, 好鮮甜, 沙律菜又新鮮. Ribs第一set有2件，味道唔會太酸。肉汁亦鎖住。肉滑又唔鞋。另外叫咗一款主菜~開心果羅勒汁魚柳$78。可以加$5配飯或意粉。但職員話可以加$50有Share Ribs。所以我地冇加飯或意粉。就加咗$50食Ribs。由於主菜唔包飲品，我地加咗$15叫多杯玄米茶開心果羅勒汁味道香濃，食到開心果粒。魚柳又滑。配上一粒由意大利飯做成的脆波波。初時以為係肉丸。不過呢粒意大利飯要襯熱食，如果唔係會變硬的。

日前到觀塘辦理一些事情，完成後大約下午六時，諗住無謂同人逼，食個early dinner才走。之前曾到過一幢較新的商業大廈，上面食肆林立，亦已經試過幾間不同的店舖，所以今次就決定找一間未試過的來試一試。經過這間店名有些台式風味的店舖，原來裡面主力推介食燒肋骨的，而且可以在兩小時內任食，反正有時間，所以就入內一試。這幢大廈的人流分佈很不平均，有些幾乎要等位，但有些就門可羅雀。我不喜歡要等位，試過有些要等兩三小時，那種感受極不好，如果不是跟友人定了地點，我就會轉身離去。正正就是這個原因，寧願去發掘一些質素較好但人流不多的店子，一來可以支持及鼓勵他們繼續有心經營，二來自己亦樂意多個舒適的用膳地方，何樂而不為！店內地方都算整齊清潔，坐下來也舒適，正合要求。看看餐牌，平日兩小時任食豬肋骨還包沙律及薯條，都是138元一位，而且如果預早訂位還可以減5%，本月生日更可減10%。還有，如果多人同來，既想試豬肋骨，又不想單單食豬肋骨食飽，店舖還提供每位只需加50元就可以同樣任食豬肋骨、沙律及薯條，可謂抵食了。於是我們兩人就要了豬肋骨($138)，加50元兩位一齊享用，另外要了一客主食紅酒燴鴨胸($78)，

係觀塘食飯又搵到好餐廳見到介紹知道LEE度有任食RIBS，而且價錢非常貼地，所以就同老婆黎開餐裝修好別緻，空間感好大MENU除左有任食SPARE RIBS之外，仲有其他主菜，店員介紹話如果唔想兩個都食RIBS，可以揀一個RIBS 一個主菜，人頭加多$50就可以SHARE任食個RIBS，正合我心意RIBS 餐的沙律，蔬菜好新鮮爽脆，非常開胃有大大隻蝦天氣凍冰冰，嗌左兩杯熱飲，紅棗茶同生姜蜜，飲完暖笠笠老婆揀左星加坡海鮮叻沙烏冬，好大碗又足料諗住餐廳係走西式路線，估唔到 Laksa 又煮得幾正！濃郁GE湯底辣辣地又帶點椰香，好鬼惹味！烏冬都煮得恰當好處！熱騰騰的任食醬燒豬肋排！店員好細心咁比手套我地揸住盡情食，同有個筒仔放骨抵讚蘸上醬汁燒香，聞到香味已經令人食指大動，真係燒得好好食好香口絕對可以encore再encore，性價比超值！

豬仔骨放題，你聽過沒有? 我也是第一次聽，都是老闆和同事跟我說才知道有這麼抵食的放題，加上本身我就很喜歡吃豬仔骨，更加覺得要來葉木試試看。木葉這裡預先預約會有95折優惠，謝謝同事的溫馨提示，哈哈，又可以節省少許。我就一心就是想吃任食138元豬仔骨，至於朋友則選擇飯再加50元點豬仔骨，她說只吃豬仔骨的話她會很空虛，晚上一定要吃飯。在等待豬仔骨的時候，先吃個鮮蝦沙律吧。沙律色彩豐富多彩，鮮紅的蕃茄粒與黃澄澄的粟米粒光看已令人心情輕鬆下來，配上甜酸的沙律醬，讓滋味更加開胃爽口。蝦隻超大尾的，肉質無比彈牙，鮮味十足。朋友的香草肉碎椰菜包飯配蕃茄汁有著意想不到的驚喜，因為肉碎椰菜包飯我們都想起泰式口味的，當上桌竟然像西式的蕃茄焗意粉般，很特別啊。椰菜包飯表面鋪滿濃郁的芝士及火腿絲，及那酸甜新鮮自製的蕃茄汁，好不開胃。豬肋骨雖然是任食，不過超有水準呢。豬肋骨最美味的煮法，一定是把它燒烤，令豬肋骨肉質更香嫩，搭配店家特調的酸甜惹味的BBQ醬，真令人允指回味。豬肋骨帶著亮晶晶的動人光澤，視覺享受程度也超高。豬肋骨的肉質軟嫩，用刀輕輕一劃，便可將骨肉完全分離，肉汁從豬肋骨中川流不息地溢出。香脆的波浪紋薯

逛完APM，人山人海，就行遠少少搵食。在駿業街中海日升中心2樓，有間不錯的餐廳叫木葉Wood Leaf，有任食Ribs 套餐供應，經濟抵食，就去試試。中海日升中心是新落成工貿大廈，環境比美中環區高級寫字樓，和觀塘其他早期的工廈，外型和環境都勝一籌。Wood Leaf佈置簡潔，一排落地玻璃，面向走廊，環境舒適。食物方面有多款主菜，湯、沙律、小食、飯/面、飲品和甜品選擇。最吸引當然是經濟抵食的2小時無限追加任食ribs的Spare-Ribs Night，星期一至四，成人每位$138 ，星期五、六、日每位$168。再加$50，可與另一位朋友分享無限追加ribs。坐下叫了一客無限追加ribs套餐。先來大蝦沙律，蝦肉鮮甜爽口，有水準。再上ribs size唔輸蝕，夠大塊，熱辣辣，肉身夠厚，肉汁豐富，面頭醬汁調味恰到好處，再配薯條，非常好味。吃完一塊，立即追加，絕無懸念。祗吃豬肋排，稍嫌單調，另叫了主食芒果汁雞排($78)。芒果汁雞排賣相吸引，肉嫩味鮮，再配酸甜適中的芒果汁，開胃惹味。飲品叫了檸檬可樂和話梅金桔梳打，解渴好味。總括而言，這個Spare Ribs Night相當抵食，沒有將貨就價，份

早前同好友茶聚，言談間提到我家中有兩個食肉獸，平日晚飯總是無肉不歡。友人說：咁不如你帶佢地去觀塘吃 Ribs 放題吖，平日任食兩小時都只係 $138，經濟抵食。日式放題就食得多啫，BBQ烤豬肋骨放題，又真係好似未試過喎！原來友人所講嘅就係呢間位於駿業街中海日升中心2 樓嘅「木葉」。其實呢座大廈入面都有唔少餐廳，記得上次同兩隻小鬼嚟食過德國菜，趁兒子 Sem Break，仍然有點空，今次就一於嚟試下呢間「木葉」嘅 Ribs 放題。到埗後，先沿著扶手電梯上兩層，然後轉右就會見到餐廳。踏進店，地方雖然唔算好闊落，但裝潢都幾有心思，用上灰色水泥牆身為主，滲出陣陣工業風，配上一室木製椅桌和背後的綠油油草牆，為店子添上一份柔和感。Dinner Set Menu 共有兩頁，面頭一版係任食豬肋骨放題，而後面嗰頁就係套餐。至於散點項目就包括有湯、沙律、小食、主食、飯麵、甜品及飲品等。放題包豬肋骨同沙律薯條任食，另加飲品一杯，限時兩個鐘。沙律面頭有兩隻大蝦，蝦肉幾爽身，彈牙有蝦味，底下配有沙律菜、粟米粒同蕃茄。Ribs 用木砧板呈上，每份除咗有兩排豬肋骨外，仲有薯條、西蘭花同香草蕃茄醬。薯條頗粗身，呈波浪

今日同老細去觀塘見客，由觀塘地鐵站行去觀塘碼頭期間，見到新開左不少商場，咁岩觀塘附近嘅朋友喺度返工，就約咗放工師兄出去食飯，朋友話去新開嘅商場嗰度食，收工就約咗去新開嘅中海日升中心度等。去到見到有不少食肆，去到2樓見到有幾間食肆同一間美容中心，比一間叫做木葉嘅食肆吸引，因為佢嘅牌寫住兩小時任食，就決定同朋友一齊入去試下經了解後原來係指定兩突豬肋骨套餐先可以兩個鐘頭來任食，咁我就同朋友會人拉咗石豬橘子,因就到聖誕見到有燒春雞,就叫左隻係試吓,順便點左兩杯野飲,因為朋友有少少感冒就叫咗一杯生薑茶，我就叫咗杯蘆薈蘋果蜜大蝦沙律， 2塊豬肋骨同一份薯菜，呢個就係兩個鐘頭內任食套餐第一樣送上黎係大蝦沙律，啲菜好爽口，蝦又爽口，沙律可以冇限任叫，但之後就冇咗2隻蝦跟住2塊豬肋骨和薯菜同時送上，薯條夠香口，唔錯，豬肋骨BBQ就好嘢味，燒得又夠香口，鐘意食豬肋骨朋友必食至於燒春雞呢，送上黎都幾大隻，打橫切開見到入面有香料，檸檬，胡椒粒同西式香料，雞肉食落口又滑又多汁最後講埋兩杯嘢飲，朋友杯生薑茶睇落唔錯，我見佢都飲晒應該都唔錯，至於我杯蘆薈蘋果汁，蘆薈粒粒都有好多，蘋果味好出好鮮甜，值得試試

琴晚去觀塘覓食, 見到呢間餐廳竟然有任食RIBS, 即刻上去試下一入到去, 待應姐姐解釋$138 任食2小時, 而任食仲包埋薯條同沙律, 抵呀任食RIBS 仲有一個抵食之處, 就係可以不用全枱都叫任食, 可以一人叫任食, 其他人叫一個主食要再加50蚊, 就可以大家開心SHARE 喇沙律第一輪先有大蝦,大蝦好新鮮, 好爽好喇, 等左一陣, ribs 終於出黎喇, 嘩.........洗唔洗咁大舊呀 ribs 好多bbq醬, 肉質鬆軟, 好多肉汁, 唔會乾爭爭, 讚呀~! 薯條好脆, 啱曬我呢d只食脆薯的人主食叫了一個千層面, 好香濃嘅蕃茄醬, 好多芝士任食仲包一杯野飲, 不過今日叫左汽水, 唔影喇