LM Cafe (已結業)

上个月去观塘晚善，经过日升中心见到好多美食，昨日有假同朋去完观塘泳池游水，好鬼肚饿，所以就行去日升揾下食，拣左呢间龙门冰室，本身好饿想锯个扒，但当时未只系5点几，未有晚餐，所以叫左其他野啦！我系食肉兽，拣左个韩式炸鸡，新鲜热辣，虽然味道方面好明显系港式化左，但返而啱我口味，因为正宗韩式就太甜又太辣了，朋友中意食菜，叫左个黑松露芝士焗杂菌西兰花，但我都好buy,因为d菇好新鲜，爽脆，另外我地怕唔够饱仲叫左个卡邦尼意粉，本身想叫个朱古力绿茶pancake做甜品，但佢地冇哂雪糕，所以只叫左杯木糠布丁，好彩冇叫到pancake,因为西兰花同卡邦尼都好大碟，所以啱晒d大胃王黎食呀！ 本来已好饱，但木糠布丁都超好味，超滑，又食哂，整体服务同食物味道都不错，下次再来晚餐食扒先