大戶屋

营业中

休息中

星期日放假带埋妈咪一齐出铜锣湾行街shopping行到咁上下见有啲肚饿就同妈咪去我金朝阳二期既大户屋食饭可能我哋下午茶时段去食所以唔系太多人入咗大约三成不过亦因为咁所以侍应添茶执枱都好快手！之前佢仲喺一期嘅时候我哋都周不时去𠮶度食饭，因为胜在足料兼白饭任添，而且喺铜锣湾来讲，价钱尚算合理⋯虽然系日本料理，但系主菜都系以鱼、猪、鸡等熟食为主，所以同妈咪去食唔怕唔啱食或者唔够饱。二期嘅大户屋室内装潢比之前旧舖更讲究，楼底又够高，环境宽敞舒适。我哋一坐低就落单叫花鱼定食同鲭鱼定食。等左冇几耐两个定食同以往一样，都有跟前菜、味噌汤、烧鱼配菜同茶碗蒸，当然唔少得主角烧花鱼喇！虽然而家由白饭任装改为每人限添一碗，不过还可以要求大饭，比普通份量多近一倍架！讲番条烧花鱼，唔单止够大件，而且又香又多汁，唔会好似出面啲烧鱼又干又嚡口，成熟度适中，连埋配菜食就更加突显鱼嘅鲜味！呢度嘅白饭系用珍珠米，食落口感烟靭软熟，所以我好快添饭，加埋份量都有四碗饭，真系食咗夜晚唔使食饭，每次黎呢度都有大满足的感觉真好！