更多
2024-06-22
1103 浏览
本身邻居约去旅行,但系某啲原因搞唔成,跟住就就拣咗呢一间餐厅食饭。安排咗俾我哋坐卡位,卡位𠮶装潢好有泰国风情。本身睇餐牌谂住嗌个二人餐再散叫,但睇睇吓四人餐都相当抵食,就决定咗嗌四人餐。先嚟再泰式拼盘,虾饼几大呀,鱼饼如果可以留番少少同埋加少少豆角落去会个口感丰富啲。炸猪皮就失色咗少少淋咗又奀皮。𠮶一刻个心情沉沉会唔会濑嘢呢?好彩净系炸猪皮出事其他一切正常。个春卷唔会成口油,个香叶鸡都好滑,一啲都唔嚡。另外个生虾个辣汁超抢喉,成杯好似Shooter一口轰晒~爽爆!我哋都算系第二轮用餐,但系想嗌个款沙律已经show out,所以呢款木瓜丝沙律,并唔系自己心中上推介嘅。另外个海南鸡唔算特别出众,唔算好滑。个心突然又沉一沉,会唔会又炒车呢? 跟住个红咖喱软壳蟹点薄饼好索汁,另外个香芒蟹肉炒饭啲芒果原来系用芒果干个口感有少少特别,加埋啲红咖喱都几好食。椰菜苗就正正常常。另外,两杯芒果同埋热情果嘅特饮都几清新,不过个杯酒比较难笃啲,因为又高又窄。食饭食到手有啲黐手,跟住问经理有冇湿纸巾,经理拿湿纸巾过嚟嘅时候,顺便帮我哋每人开埋张纸巾,呢点超窝心。跟住最后想买甜品,香芒三色糯米饭有班兰叶、蝶豆花
张贴