大自然素食

营业中

休息中

听闻大自然素食的食品又多款又好味，今日就去试下系咪真系咁得先。餐牌有唔少选择，仲有一个系日式食品的餐牌，睇落完全唔觉得系素食。见到好多台都有叫寿司，当然都要试下味道如何。珍味鱼翅寿司 / 粟米寿司 / 鲍鱼寿司 - 三款寿司味道都唔错，只系鲍鱼寿司口感差少少，而个重点系酦姜都好好味，wasabii 都好够辣。原只木瓜蟹籽沙律 - 木瓜唔大，所以蟹籽沙律唔算多，而味道都同一般蟹籽沙律分别不大，加上木瓜够甜其实都几好味，但真系得一至二人分量。软壳蟹卷 - 味道都唔错，而且都落足料，无论卖相同口感都真系唔似食素。豉油皇杂菌炒面 - 炒面质感一般，炒得都干身但个面有部分系一pat pat 而唔系一条条，豉油皇味唔算太咸，味道可以接受，但下次应该会叫其他款式。另外仲有送绿豆沙，味道唔会太甜，相当唔错。整体而言，价钱唔算平，要茶芥加一，但食物同环境等质素都可以接受。