大蔵季節料理 (已結業)

今年生日，父母送咗份厚礼「大蔵发办」俾XO仔，细佬都好有心架，食完超正o既寿司就即场订座，与表妹一同大宴五位靓靓妈咪及四位爸B庆祝母亲节，以鱼生歌颂亲恩。 派对于母亲节前夕举行，嘻嘻，为荷包著想所以拣食午餐 。合共十一人刚好包咗「大蔵季节料理」整列寿司吧，除咗可以睇住师傅用心地准备鱼生菜式，当日仲有特别嘉宾小蟹群相伴添。小肥对「大蔵」o既佳肴极有信心，所以一早就预备咗樽好好意头o既1.8公升「长寿大吟酿」，实行用美酒配衬佳肴及美人 。大家千祈唔好以为一众长辈年纪大，酒量就会轻，我地当日午餐虽然只系短短两个钟头，但不费吹灰之力已饮光一枝1.8公升加四枝720毫升o既日本酒 ，当中仲要冇人显得有醉意，系咪好犀利呢？！因为每人都叫咗客午餐定食，全体就清一色由沙律、前菜、及茶碗蒸食起。沙律o既生菜同蕃茄均新鲜爽脆，淋上醒胃o既芝麻酱就最啱细佬口味 。前菜o既豆卜块加萝卜丝酸甜脆口，同样开胃。茶碗蒸则清甜、软滑、又暖胃。几位母亲大人都被外型吸引o既「大蔵寿司便当」有所迷倒 ，其中三人都忍唔住要叫黎试。哈哈，XO咁乖仔㖞，当然系有份食啦 ！三层高o既樱花锦盒每格所承载o既食物都有所