影片
港铁铜锣湾站 D2 出口
继续阅读
营业时间
星期一至六
12:00 - 14:30
18:00 - 22:30
星期日
全日休息
以上资料只供参考，请与餐厅确认详情
今日同朋友食下好野一入門口有裝修是傳統和風。我們叫左個定食！前菜刺身魚薄片及刺身魚貝味道好鮮美，魚片好幼滑！😍季節青湯手握壽司天婦羅炸蝦肉魚生飯我們仲叫左梅酒 酸酸甜甜酒味不是太濃好好味！蠔池魚刺身味道好鮮甜甜品總結味道 好好味😘😍😍👍🏻👍🏻👍🏻👍🏻魚好新鮮，味道鮮甜，師父刀工好好！每一片都切得好平均。😁😁環境 高級日本料理，環境清雅！😁價錢 有點貴🤣😂，不過不是成日食！
继续阅读
第一次嚟呢間日本餐廳，見佢午餐餐牌上嘅選擇唔少，價錢又合理，就嚟試下。好後悔無早D發現呢間😍😫上壽司定食 八件（$218）睇得出師傅嘅手工好好，每件壽司都包得好精緻，賣相超級靚🤩😍。壽司雖然唔係好大件（啱女人嘅胃口），但係每一件壽司嘅部位都靚同埋新鮮。火炙雜錦魚生飯（$168）魚生好新鮮好靚，保持住魚嘅油脂，好抵食。飯嘅份量啱啱好，佢肯幫我換普通白飯（我唔要壽司飯😅）汁燒鵝肝飯（$238）兩件鵝肝好大舊，汁撈飯一流🤤細佬好鍾意🤣貴左少少嘅🤔牛肉照燒（$198）係靚牛肉啊😋好似一塊牛扒咁，幫你切埋，又係汁撈飯一流🤣呢度嘅午市定食包前菜、麵豉湯、沙律同埋咖啡/果汁。而家好少日本餐廳包埋嘢飲。服務態度好，環境舒適，極力推薦😍💪🏻
继续阅读
適逢端午節放假⛱平時工作忙，日日要OT趁HOLIDAY緊係要孝順一下媽咪同佢黎呢間備受好評嘅「大藏季節料理」食🍣帶得媽咪黎，緊係要千挑萬選啦😎.🔸位置要方便：屯門友搭962x一落巴士即到😂🔸環境要舒適：木系裝潢，簡約為主，環境寧靜，座位寬敞🔸食物要高質：每日挑選新鮮食材製作成壽司，刺身同魚生飯.餐廳午市時間有LUNCH SET共有十八款定食🍱有烏冬，魚生飯，刺身壽司🍣日式炸豬扒，照燒煎雞，天婦羅等等🍤而價錢都係由$128-$348不等每款定食都包括左前菜，沙律，蒸蛋🍥主菜，味噌湯同飲品除左定食，當然仲有壽司吧枱可以邊等師傅發板邊近距離觀望佢地嘅手藝.我地嗌左2款定食➖➖➖➖➖➖➖➖➖➖➖➖大藏壽司便當 $348漬物，沙律，茶碗蒸旦，味噌湯天婦羅，飲品雞扒照燒 $128漬物，沙律，茶碗蒸旦，味噌湯，飲品➖➖➖➖➖➖➖➖➖➖➖➖.🔸前菜：嫩豆腐，芝麻醬青瓜絲，茶碗蒸蛋雖然係小小嘅餐前小菜但一D都吾馬虎👍一條條青瓜絲淋上胡麻醬，入口清爽而茶碗蒸旦亦非常足料有鮮蝦仁，鳴門卷等等蒸蛋入口柔軟滑溜，蛋味濃郁😋.🔸湯品：味增湯同茶碗蒸一樣咁足料如腐皮，嫩豆腐，京蔥，冬瓜，海帶等等每啖都食到驚喜🙈.🔸MAIN: 大藏壽司便當以陶瓷抽屜形式去承載住壽司，刺身同魚生飯賣相相當吸睛😋第一層係刺身有帶子，金目鯛，全部都勁新鮮！帶子肉質富彈性，味道鮮美甘甜而金目鯛口感清爽帶回甘😎第二層壽司有卷物，甜蝦等等最中意係甜蝦🍣獨特嘅黏黏口感同膠質，入口即化第三層係魚生飯有三文治籽，吞拿魚蓉同海膽。如珍珠般大嘅三文魚籽粒粒晶瑩剔透，粒粒飽滿而手指般大既海膽則入口即化吞拿魚蓉口感軟綿，好新鮮😋炸海老丸跟餐附送嘅海老丸從未食過咁正嘅海老丸😱口感柔軟彈牙海老味極之濃郁吾洗加任何調味料都好好味😋.🔸雞扒照燒雞扒燒至焦香雞皮極薄而又香脆雞肉口感嫩滑富肉汁淋上照燒汁後，更添風味💕.🔸飲品最後，我地揀左熱咖啡作結完成左呢餐豐富又滿意嘅午餐.P.S. 店員嘅態度值得一讚好主動咁幫我地refill返凍左嘅餐茶👍
继续阅读
適逢星期六放假，梗係要食好啲玩盡啲啦🙆♀️ 今次就帶男朋友黎左閨蜜👭極力推介嘅「大藏季節料理」食個靚LUNCH，儲定D ENERGY 先可以玩盡D 🤣.「大藏季節料理」位於銅鑼灣澳門逸園中心7樓～地理位置方便又就腳，係地鐵站D2出口，行3分鐘即可到達💕.餐廳以木系裝潢為主，簡約格調，好有日本和風感覺，如真係置身於日本餐廳無異。環境寧靜，寬敞座位，令人係放鬆心情之下可以好好享受美食👍.餐廳LUNCH款式多元化，共有18款定食，無論係烏冬，魚生飯，刺身壽司定係天婦羅，都一一能滿足。每款定食都包括左前菜，沙律，蒸蛋，主菜，味噌湯同飲品，非常豐富🥰.我地叫左兩份SET LUNCH。首先介紹咗前菜，沙律，蒸蛋同味噌湯先～⭐️漬物：腐皮卷入口彈牙，仲有少少蔥花作為口感嘅點綴添～.⭐️沙律：芝麻醬海帶沙律海帶口感柔韌爽滑，沾上濃郁芝麻醬香，小小嘅一道前菜，已經非常出色💕.⭐️茶碗蒸旦熱辣辣嘅茶碗蒸旦，入口柔軟滑溜，蛋香味濃郁，仲有鮮蝦，鳴門卷等增加口感😊.⭐️味增湯不同一般日式餐廳嘅味噌湯，材料極之豐富，如腐皮，嫩豆腐，京蔥，魚肉粒，海帶等等，就連唔鍾意飲味增湯嘅男朋友，都大力讚好🙈.其次就到主菜啦～⭐️主菜：大藏壽司便當 （$348）便當包括左三款壽司，三碗刺身，卷物，魚生飯同天婦羅🍤而壽司同刺身係由師父發板，神秘得黎又好期待🤣壽司便當以陶瓷抽屜形式上場，造型維妙維肖，令人眼前一亮😍 第一層係刺身，有帶子，金目鯛等，款款都鮮甜可口😋第二層係壽司同卷物特別係拖羅壽司，入口即融，鮮味十足。第三層係魚生飯，有三文治籽，吞拿魚蓉同海膽。滿滿既三文魚籽，大大粒，咬落去在口中爆開，約手指般大既海膽帶入口即化，仲有軟香嘅吞拿魚蓉，真係新鮮又滋味😋.天婦羅即叫即炸，好酥脆，薄薄嘅炸衣包裹住茄子，香蝦等，輕輕一口，輕脆聲即響💕.⭐️主菜：吉列炸黑豚 ($168)黑豚炸至黃金色，金香酥脆，外酥內嫩，肉質梅腍，啖啖肉腍甜香🥰 滴少少檸檬汁，更易入口，再沾沾旁邊嘅日式甜醬，味道更豐富😋.最後，當然吾好漏左飲品，可以揀橙汁或者咖啡～.P.S. 店員服務態度值得一讚，及時幫我地收拾碗碟，仲會抺好枱，乾乾淨淨咁享受下一個食品。
继续阅读
友人早前曾光顧，食後評價甚佳。今天決定做一個回頭者，再訪這間「大蔵季節料理」。筆者有幸跟從，出城見識一番。不要多說已知「大蔵」是一家高級食府。前菜是拌上芝麻醬的海帶沙津，而漬物則是腐皮卷。茶碗蒸熱騰騰上枱，蒸雞蛋入口滑溜非常又充滿蛋香。內裡有鳴門卷、鮮蝦等配料，增加了咀嚼時的口感。想當初查看友人的美食照時，筆者就是被此便當的賣相吸引。這個壽司便當以抽屜形式上場，每層抽屜分別放著美侖美煥的壽司、剌身、丼飯，雅緻非常。第一層是肥美剌身，有帶子、金目鯛等；雖然置在細小的抽屜內，份量也是適中，每款有2-3片，味道新鮮。第二層則是壽司和卷物，手握壽司外型小巧，師傅功力好，一筷夾起未見鬆散。吃下去可以感受到剌身的鮮與壽司飯的香完美交匯，入喉後依然齒頰留香。最後一層是三色剌身丼飯，分別為海膽、三文魚子和吞拿魚蓉。Creamy質感的海膽非常新鮮，入口絲毫沒有腥味。三色剌身佐送壽司醋飯，不消一會便清空。抽屉便當看似迷你，但三層吃光後都甚具飽肚感。是日沒有供應天婦羅，改配了炸蝦丸。蝦丸甫炸起便上碟，店員再三叮嚀要小心進食。當然筆者已立刻新鮮熱辣放入口，蝦肉的鮮香惹味不過。定食還附有味噌湯及果汁。味噌湯附有頗多湯料：腐皮、豆腐、京葱等，喝下去有著淡淡的昆布味。筆者剛忙碌的工作了一星期，難得這天假期得友人眷顧，帶到來這間「大蔵」日式食府犒賞五臟廟，心情也好了起來。
继续阅读