海灣茶居 (已結業)

我妈好钟意饮茶🫖，所以我成日同佢周围饮，今日来到大角咀广湾豪庭广场呢间茶居试吓，我地1430来到，全场full晒👍🏻犀利。呢到装修得好舒适，落地玻璃透到少少光入嚟好精神，佢地除左有传统嘅普洱同水仙之外，重有几款升级茶选❤️我地拣左🌹瑰荔堂煌茶试下，淡淡嘅玫瑰花同荔枝味，入口清新～呢到啲点心全部都好抵食又好味😋重要即叫即蒸，上枱全部热辣辣，正👍🏻我同妈咪叫左几款点心，潮州粉果，个皮厚薄适中，入口烟靭👍🏻超足料，虾饺大大粒皮薄，劲多虾入口弹牙，北菇棉花鸡，啲鸡好滑，必食推介☞︎ 手撕鸡肠粉😋肠粉同啲鸡都超滑，鸡上面有芝麻同花生，有少少辣汁，全部捞埋一齐食😋正到晕❤️，白灼生菜我妈饮茶每次都要叫碟菜食😄好健康，临尾我地重整返碗红豆沙滋润下，红豆沙煲到烂晒超正，又唔太甜。门口出面个广告灯片重写住凭当日的士收据消费满$500，可获即时全单$50折扣。呢到重要全日免收加一，真心好抵食👍🏻大家快啲来试吓啦。