IL Cibo Italian Restaurant

营业中

休息中

难得放假想食西餐，听朋友讲大角咀埃华街有好多好野食，有一两间食好西但唔记得个名，于是特登搭车过去揾食，点知一落车一街都系鸡煲四川桂林打边炉。。街头行到行尾都冇一间西餐。。唔死心情况之下转到去大全街。见到呢间IL CIBO个名唔识读（哈哈！😄）细细间几有FEEL就入左去。我地一行三人叫左3个SET，头盘沙律/汤，主菜加埋饮品，埋单都系600左右。冇影MENU所以实质菜式名同价钱已经唔太记得，是日餐汤系薯仔汤，唔识食西餐开头一望觉得好稀，但饮落，食包点少少黎食又好食。沙律拣左个烤鸡沙律同烧牛肉沙律，不过不失份量OK。第一次写食评，挂住食影漏左两个好好食意粉。😤好似叫意大利海鲜面，同埋蟹肉意粉，两个都系炒好香，硬度岩岩好，系多左少少油。最后朋友叫左个牛排配薯角，叫左medium rare，我食左一旧但有D"银"同偏干，个人认为唔系煮既问题，系而家平平地买块猪扒煮黎食都香过牛扒，可能系我唔识食～哈哈😄整体黎讲我觉得几好食行开会再帮趁。