熊貓小雲吞 (海富商場)

营业中

休息中

餐厅名字叫熊猫小云吞，喺餐厅里面有一大幅餐厅名既墙身。餐厅以红白色为主色，座位阔落。职员姐姐们好好招呼，态度有善。我地叫左好多野食，放到一枱都系，都只系2百蚊，非常抵食！双拼云吞系列（20粒）$45-- 一口韭菜豚肉云吞--一口鲜虾豚肉云吞细细粒云吞，真系一啖一粒，方便食，几岩我食，好快一粒一粒咁食晒20粒。外婆红烧肉油葱酥热捞幼面 $53好丰富，除左有红烧肉同捞面，仲有生菜，五仁菜葡，萝白。凉拌海带丝 $20一大碗海带丝，超好味，我劲钟意呢个！田园凉拌青瓜 $24开胃小菜～～蜜汁芥末炸鸡翼5只 $35鸡翼大大只，鸡皮炸得松脆，内里鸡肉嫩滑有汁，加上蜜汁芥末，好味道。冷泡黄金大麦茶 （跟餐）$12冷泡御翠乌龙茶 （跟餐）$12樽装，里面有一大包茶叶，茶味香。香脆花生 $20我见餐厅有卖头先啲食物有加上既花生同黄金豆，所以我买左樽花生返屋企慢慢继续叹。其实餐厅仲有卖其他产品，例如佢地多款自制正宗四川酱料，睇落几正咁。