La Vigne (已結業)

呢日要过大角咀交收，交收完就喺附近揾下嘢食，见到间几多人嘅餐厅，抱住人多就应该好食嘅心态，走入去试下。✨焗芝士香草蒜蓉包 $38最钟意食蒜蓉包嘅我，发现呢间餐厅嘅蒜蓉包好味有惊喜！多士外层超松脆，蒜味十足，上面一层厚厚嘅芝士，好邪恶！好惹味！✨唐扬鸡翼(4件)配蜜糖芥末酱 $48鸡翼外皮香脆唔油腻，内里肉质滑溜仲好juicy！蜜糖芥末酱，甜甜地又带有少少芥末香，配唐扬鸡翼味道好夹！✨甜番薯条配蜜糖蛋黄酱 $58甜番薯条甜甜地，又香脆！令人忍唔住一食再食，食到停唔到口呀！✨软壳蟹南瓜蟹肉意大利饭 $108软壳蟹大大只，炸得好脆口，入面仲有唔少蟹肉，南瓜蟹肉意大利饭水准唔错！南瓜味浓郁清甜，意大利饭creamy，质感烟韧。