Choomil 啾咪

营业中

休息中

学校附近新开咗间餐厅，放学就同同学去食！蟹肉蟹籽忌廉扁面一上枱已经劲香，啲蟹肉味好香，同埋佢劲多汁，每一啖意粉都挂到好多汁，加上佢系扁意粉除咗挂汁之外，蟹肉都好多，味道好香浓蟹肉味，但又唔会太咸，味道啱啱好，好出色嘅意粉.羊臀肉佢冇臊味~唔钟意食臊嘅同学就好钟意.肉质方面，佢一啲都唔un.大厨煮得好好，煮出嚟唔会全熟，仲锁到肉汁，眼见都已经好juicy，食落都好juicy，肥肉同羊肉嘅分布比例好好，唔会太肥，但又有肥肉去添加味道同口感.羊臀肉呢个部分都好淋.我觉得唔洗点汁都已经好好食，食到羊肉同埋调味本身应有嘅味道.龙虾包超！大！个！即叫即炸嘅龙虾啲龙虾肉就算炸完都好弹牙，包都烘过，所以成个龙虾包食落好脆，劲正！加上佢有蟹同沙律，所以味道入口好好食！鸡串烧配薄饼估唔到佢咁多串，劲抵食！啲鸡肉唔鞋，腌料腌得好入味，夹埋薄饼食，条另一种风味.薄饼微微烤烘过，少少脆身，加埋鸡串嘅汁一齐食，都好夹！（我点意粉汁劲正，hahahaha)