御品·千之味 (大全街) (已結業)

汁煮牛肉手打乌冬(配温泉蛋)牛肉份量好多，牛肉汁类似吉野家牛汁味，好够浓味，令到整个汤底都好好味。手打乌冬烟韧弹牙，份量算多，所以两个人分个乌冬都唔会唔够喉。9/10蒜香三文鱼带子炒饭唔肯定系咪落左咸鱼去炒，因为有好大阵咸鱼味，食到有好多三文鱼粒同埋元贝粒。我个人觉得几好食不过系咸左少少，但如果唔食咸鱼既人要留意番。8/10寿司都叫左好多款，全部都觉得几好食好鲜甜。以下系我试过觉得一定要试：黑椒火灸三文鱼，吉列炸虾卷，蟹柳小卷等。9/10食完埋单时仲会有粒雪糕糯米滋，超正。