御品·千之味 (大全街) (已結業)

朋友近来推介呢一间日本餐厅，反正近日我哋冇乜心水，咁我哋就决定走去试吓啦！原来呢一间千之味已经系第三间分店，咁相信食物质素应该唔差。由于呢一间餐厅系新开所以装修都好新净，亦都好有心思咁布置得好日式。🇯🇵见到佢有一个石板烧系列，我哋就决定叫一个吉列澳洲和牛试！加$28仲可以有一个套餐原来会提供一个日式小火炉，因应我哋喜欢嘅生熟程度俾我哋自己去烧。店员仲好细心提我哋小心危险因为火炉都几热。厨师亦安排咗一旧牛脂肪喺面，防止烧焦，亦增可以增加肉香味🐮一上菜嘅牛肉系大约2分熟，侧边有吉列包围，由自己控制生熟烧。牛味够而且吉列都炸得好脆口，大家夹时记得要轻手啲，如果唔系吉列边会甩出嚟。由于朋友就唔食牛肉，佢叫咗一个盐烧鲭鱼套餐，份量都好足。套餐包埋三文鱼、带子、甜虾刺身。鲭鱼一向比我嘅感觉系会有少少腥味，但食落完全唔腥，仲非常鲜甜🐟厨师仲烧到金黄色，外皮脆，内里多汁另一位朋友就叫咗个寿司套餐，仲另外叫多咗中拖罗寿司，芝士鳗鱼寿司同海胆寿司。刺身好新鲜，而且寿司餐仲配一个乌冬，一定唔怕食唔饱海胆超大块，好鲜甜超满足芝士系成片铺面🧀中拖罗油花够，少筋价钱方面相当合理，一个套餐又有汤，又有前菜，又有沙律