RuRu Tapas Restaurant (已結業)

同朋友买咗戏票今晚睇，见有耐未够钟，于是周围逛下，忽然见到有间装修环境几靓又有气氛嘅餐厅，即管入去坐下。本来谂住饮杯野，叫佃个小食 hea 下等睇戏嘅啫。点知忽然见到有我至爱嘅慢煮牛面肉。为食瘾发作，结果忽然变咗食野，最后叫呢个牛面肉试吓。加多一个「龙虾汤」同一份「西班牙炸薯仔」。「龙虾汤」（$108） 本身呢个汤都系我至爱，钟意佢浓厚虾味同埋海鲜嘅味道。煮呢个汤功夫繁多，材料亦不少，所以贵得有原因。「西班牙炸薯仔」($88)炸薯仔粒面铺有两款Sauce及大量葱花，两款酱大大提升薯仔的惹味程度，加抔啤酒一流。「慢煮和牛面肉配薯蓉」（$198）食呢个主要食牛面珠的肉质，淋淋的充满胶质，入口即溶化，感觉充满骨胶原。配菜薯蓉及芦荀，识食一定混和埋的肉汁一齐食。另可加钱（$15）配latte 咖啡或($20) 选house wine。亦可再加钱（$48）配埋甜品。餐厅有 Brunch 提供，仲有二人、四人 Siesta Special ，有酒有小食。啱晒收工happy hour 同朋友嚟飮番杯、chill 下同hea 下。